慕茶 (Moved) New Location

平時好少去工業大廈，因為覺得都頗麻煩去揾。但今次慕茶就係觀塘站B2再行多5-10分鐘到就到到。由於位於A座所以到左搭𨋢就直接到達。一入到去，有啲鋼琴音樂播放緊，俾人好放鬆既感覺。好warm好似屋企既感覺。而且入面既燈光都比較柔和，唔刺眼，同一般既白光燈唔同。一坐低，店員就幫提供餐牌俾我地。我order左一個黑松露煙三文魚忌廉天使麵再加左$8要一個餐湯，而今日嘅餐湯係牛肝菌湯。個湯一黎到好暖，好適合冬天飲，飲完都好暖笠笠。牛肝菌好濃味又帶d creamy唔錯。而個天使麵就好重黑松露味，啲天便麵都好足料好爽口，好夠飽，值得一試！三文魚都好好食唔會腥，煙味岩岩好另外值得讚既係，全間店鋪既店員都好有禮貌，真係好似家。我地仲食左個意式吞拿魚包，吞拿魚份量多唔會太咸，配蕃茄同沙津菜就好fresh同口質脆口d唔會得吞拿魚既林最後係brownie好香濃，朱古力味重又有果仁。有果仁同蛋糕唔會乾食同硬，食落去更加香滑，好味都更完滿。