城寨風味

Open Now

Now Closed

位於九龍城廣場一樓嘅呢一間嘅中菜館，裝修都幾有特色。今晚同個friend嚟到九龍城搵嘢食。欖菜肉鬆四季豆$138呢碟四季豆上枱仲出緊煙㗎，四季豆食落口感爽脆都唔錯喎，唔會煮得太腍，欖菜鹹鹹香香咁真係好開胃。秘製紅燒乳鴿$88一隻，一開四上枱。即叫即炸熱辣辣。呢間乳鴿外皮食落甜甜地，而且超香脆，個人覺得價格都OK，最緊要係咬落去啲肉唔會好油。紅燒斑腩豆腐煲$238，呢個豆腐煲有驚喜喎，一上枱出晒煙，仲有治治聲，鑊氣十足。斑腩唔係普通魚柳係真斑腩，斑腩肉身都好厚。但係食落一啲都唔老，豆腐雖然外表微脆，但係內裏都仲係好滑溜，好食喎。