原味棧 (Closed)

今晚去開紅磡搵朋友，朋友話崇潔街有間海鮮打邊爐平靚正，好過去食大財團，今晚就由佢帶我去滾!地方寬闊，坐得舒服，門外店內都可以看到生猛游水海鮮，直覺質素應有保証，心情大好!最貴的6:30-9:30時段都只係$208蚊，任飲任食，劃一收費。鍋底有4個特色鍋底選擇:麻辣雞鱔煲，火焰魚，火焰台山五味醉雞，同埋龍穿鳳。我地揀左龍穿鳳，即胡椒海蝦雞窩。呢個鍋底超級多料，絕對唔使加味精都好夠味!而且胡椒味好濃!我地直頭當湯咁飲左幾碗。海鮮拼盤好有驚喜，有鮑魚，龍蝦，鮮蝦，花蟹，貴妃蚌，蜆同螺，相當新鮮鮮甜，份量唔小!半邊龍蝦有我手掌咁隻手大，佢肌肉相當結實，好感動呀。美國安格斯手切肥牛，色澤鮮紅，肉質鮮嫰很有牛味，好大碟，好岩我地呢啲牛魔王。另外有個蔬菜籃。鯇魚腩肥美嫩滑，啖啖肉冇骨!好正!我地雖然得2個人，但店方沒有因此縮減食材份量。反而我地要主動要求份量俾少啲。服務非常好，店員熱情有禮會幫我地換骨碟執枱。$208蚊有龍蝦新鮮海鮮拼盤且配料任飲任食，實在超值!完全明白點解原味棧會零劣評!很有良心的小店，大力支持!