阿德廚坊 (Closed)

作為紅磡街坊既一份子，我其實有一個介紹紅磡各食肆既心願，始終我屋企算「無飯家庭」，我地係紅磡區食盡大小茶記、大酒樓、世界各國風味等，紅磡作為一個都叫做出名多野食既地方，其實都真係有d係不俗既。好啦，我會努力寫多d，等大家對紅磡有多d認識!入正題﹕阿德廚坊其實係一間不俗既茶餐廳。環境舒適、企理，你叫佢餐廳亦可。而價錢只要你選既係套餐，就可以講係平、靚、正。我最鍾意既係佢地既咖哩，因為真係幾好味，杰杰地、好香濃，送飯係一流既。不過薯仔就少左d，最好食既係咖哩雞，而斑腩就唔好試喇(不過我覺得好多地方既斑腩都好難食- 做得斑腩，多數已經唔係靚魚，又腥d肉又怪怪的)。另外晚飯我地鍾意叫小菜，梅菜蒸鯇魚最好味，佢地d魚好大條，你可以揀要頭、腩或者尾。不過小菜餐就唔包飲品，我地通常都唔另外叫，十幾蚊一杯唔抵，而其實佢既飲品一般過一般，不飲也罷。仲有千祈唔好飲佢地既中湯，因為我覺得只係落左鹽既水，從來都唔知係咩味，反而羅宋湯中規中炬一d。今日午餐又係同細佬去開飯，我唔信邪再叫咖哩斑腩，再一次confirm自己，細佬叫椒鹽骨飯，d切開既豬扒又幾好味。不過佢地星期六、日要加一，有少少倒米之嫌。otherw