紅粉佳人 (Closed)

一向都好喜歡食三文魚. 雖然好多人話三文魚係下價魚, 肉質比唔上白肉魚, 不過就係鍾意三文魚魚味濃郁.紅粉佳人開咗好多年, 一直喺油麻地比較僻靜地段經營, 以前間中都會去幫襯, 之後少去果頭冇乜點去.人大咗經常懷舊, 諗番起呢間陪伴自己渡過青蔥歲月嘅餐廳, 好想再去幫襯緬懷吓, 终於就喺今晚到來.餐廳多年未變, 都係以三文魚作為主打菜式, 裝修以粉紅色為主, 粉紅色卡位, 粉紅色枱布, 粉紅色天花, 幸好配以黑色配襯感覺上比較型格.平日晚飯同老公每人叫一個晚餐, 另轉餐湯.泡沫三文魚忌廉湯賣相好似杯咖啡, 上面有奶味泡沫, 下面係濃郁三文魚湯, 湯入面有煙三文魚塊.酥皮焗海鮮湯其實都係三文魚湯做底, 加其他海鮮如青口.跟湯有法國包配白汁三文魚醬同牛油, 三文魚醬份量剛好夠查四塊麵包.主菜香煎龍利柳配芒果杏仁忌廉汁, 杏仁以切片形式配襯, 芒果汁以之字形淋在龍利柳上面. 龍利柳有三塊之多, 肉質嫩滑冇雪味. 意粉唔係al dente, 但質感味道都合格有餘.蜜糖香草烤德國咸豬手個皮已經唔脆, 不過食落好重膠質, 咸豬手肉質濃淡適中, 唔會過咸.食完主菜飲餐茶時靜靜聆聽歐美歌曲, 緬懷吓從