반찬앤쿡 Banchan and Cook (東薈城名店倉)

Open Now

Now Closed

好耐無食過韓國嘢啦，行街個陣經過Banchan，就決定食番餐先！宜家出咗一個Set，有齊最新推出嘅菜式，正呀！🦐甘荀汁鮮蝦帶子蛋包飯🦐海鮮非常彈牙，同甘荀汁好夾。蛋包飯一向好吸引，係你面前即席切開，見到啲蛋液仲好軟滑！🍝甘荀汁香脆豬扒長通粉🍝好有驚喜，通粉軟硬適中，加上豬扒好脆。無諗過係最好味嘅一道菜。🍖黑毛豬白切肉配生菜🥬同韓國嘅白切肉有少少唔同，已經有醬油調味，配埋蒜頭青椒一齊食，一啖一滿足呀！🥕紅蘿蔔園Oreo慕絲蛋糕🥕一上枱就即刻覺得好得意呀，個匙羹又好似個鏟咁，好有代入感。蛋糕有唔同層次，口感豐富！