XTC Gelato (Closed)

Gelato係比一般雪糕更加軟滑，味道更加濃郁，同埋好重要既係，佢既脂肪比例比一般雪糕低，食完之後冇咁有罪惡感😛呢間舖頭主打用料天然新鮮，同埋唔添加色素同埋添加劑，而口味既選擇都好多，有超過20款。雙球雪糕（$50） 1️⃣開心果通常如果雪糕店有得揀開心果味，我都會揀。食開心果味最驚就係啲味好假好人工，呢度既開心果味就好啱我心水，味道好濃郁，同埋啲味完全唔假，食得出果仁既香味，入面仲有啲開心果碎，食落口感豐富。  2️⃣朱古力呢個有驚喜！我諗係我食過最好味既朱古力雪糕🍫。朱古力味超超超濃，唔會得個甜字。呢個大推！