Infiniti C (Closed)

香港有賣純素蛋糕既餐廳數量唔多，依間算係選擇多，由熱食飲品到甜品，全部都有。仲有gluten free 選擇，適合唔同飲食需要既人。我叫左一個Avocado toast，一杯Pink sapphire 同一件純素花生朱古力蛋糕。Avocado Toast 依個配搭不嬲都冇得輸，只要牛油果靚就贏一半，依隻牛油果熟度剛好，側邊d菜同蕃茄仔都新鮮，蕃茄仔有加洋蔥同調味，好食。但個包太硬，好難咬。Pink sapphire好靚但唔好飲，酸野加植物奶怪怪地。純素花生朱古力蛋糕幾好，花生醬既咸同朱古力好夾，幾好味。總結，用左我寶貴青春45分鐘排隊，食物質素不過不失，性價比一般，但有照顧到不同飲食需要既人，香港需要多d依種餐廳。評語：可以一戰，再戰要睇洗唔洗排隊。