Video
Read full review
2022-08-24
3837 views
一年容易又中秋，依家啲月餅廣告6、7月就見到有，不過，近年都少咗食月餅，無乜特別原因，一切隨緣啦。然而，今年提早試到嘅月餅喺友人所送，嚟自「嚐 · 高美集團」嘅出品，香港製造，可以到旗下餐廳換取。是夜過嚟「葵廣」買嘢食，就順道去「稻成」拎，兼借個版位出篇食評。月餅禮盒共有兩款，名為「嚐味・經典月餅禮盒」同「嚐味・時尚月餅禮盒」（$268），所包含嘅月餅款式都有少少唔同，裝潢非常夠大體，送禮確喺啱晒。盒內共有3款口味月餅，包括流心咖啡月餅、流心奶黃月餅及伯爵茶月餅，每款兩個，都喺必然嘅獨立包裝。個個都屬於迷你裝，正好一次過兩公婆樣樣都試試，又唔會搞到太滯肚。迷你流心咖啡月餅影呢個月餅時未有烘番熱，所以，流心效果未夠明顯，不過，之後食另一個時就睇到幾流心吓。而且，成個月餅嘅咖啡味非常突出，亦好醇香，睇番張簡介，喺採用阿拉伯咖啡豆，質素唔差得去邊，再襯杯咖啡，作為下午茶非常之正。 迷你伯爵茶月餅細看簡介 原來伯爵茶喺嚟自斯里蘭卡，雖然呢個唔喺流心，但餡心一樣好軟綿，伯爵茶味極之濃郁，後績嘅餘韻帶幽香，整體又唔太甜，幾好食，伴住杯伯爵茶就相得益彰啦。 迷你流心奶黃月餅流心加奶黃，算喺依家大流行
月餅禮盒共有兩款，名為「嚐味・經典月餅禮盒」同「嚐味・時尚月餅禮盒」（$268），所包含嘅月餅款式都有少少唔同，裝潢非常夠大體，送禮確喺啱晒。
盒內共有3款口味月餅，包括流心咖啡月餅、流心奶黃月餅及伯爵茶月餅，每款兩個，都喺必然嘅獨立包裝。個個都屬於迷你裝，正好一次過兩公婆樣樣都試試，又唔會搞到太滯肚。
迷你流心咖啡月餅影呢個月餅時未有烘番熱，所以，流心效果未夠明顯，不過，之後食另一個時就睇到幾流心吓。而且，成個月餅嘅咖啡味非常突出，亦好醇香，睇番張簡介，喺採用阿拉伯咖啡豆，質素唔差得去邊，再襯杯咖啡，作為下午茶非常之正。
迷你伯爵茶月餅細看簡介 原來伯爵茶喺嚟自斯里蘭卡，雖然呢個唔喺流心，但餡心一樣好軟綿，伯爵茶味極之濃郁，後績嘅餘韻帶幽香，整體又唔太甜，幾好食，伴住杯伯爵茶就相得益彰啦。
迷你流心奶黃月餅流心加奶黃，算喺依家大流行嘅款式，加入唔同元素，就成為唔同口味，不過，亦有唔少人喜歡「原味」，小弟亦喺其中之一，因為原味就最能食出蛋黃嘅香氣，加上口感綿密富蛋香，流心效果又突出，確喺好有水準嘅奶黃月。
雖然疫情都仲喺晌高位持續，但睇到市面總算有番多啲生氣，正所謂人月兩團圓，希望今年中秋大家都過得開心。
Other Info. :
因為喺朋友送贈，所以，幾個細項評分（環境、服務、衛生、抵食）嘅參考值唔大。
(The above review is the personal opinion of a user which does not represent OpenRice's point of view.)
Post
