新昌運茶餐廳

Open Now

Now Closed

商場入面好細間嘅茶餐廳，傳統港式嘅裝修（唔係而家新興扮傳統玩復古嗰隻）麻雀雖小五臟俱全，有時仲要坐喺電梯底，不過我就冇影相。平時我通常都係去食早餐，沙爹牛肉麵腸仔太陽蛋凍檸茶少甜，個沙嗲牛肉麵真係幾好食。不過聽朋友講佢啲炒粉麵都好出色，所以就趁下午茶時間黎試一試。 今次叫左星洲炒米凍檸茶少甜。拎出黎嗰陣出曬煙香噴噴好有鑊氣，雖然睇落細細碟，但係都幾足料，蝦仁叉燒火腿蛋。咖喱味好香，食落有辣嘅感覺又唔會太辣。米粉食落唔係鋼線嗰隻，不過我都知有人鍾意食鋼線。杯檸檬茶都夠茶味。