道鮨日本料理 (Closed)

銅鑼灣一向都好多高質既日本料理，最近發現左一間cp值好高既新餐廳，位落於渣甸街渣甸中心。裝潢上好有日本既感覺，值得一讚既係店員服務態度體貼，一去到已經遞上熱毛巾和熱茶，十分細心。我地叫左兩份Omakase, 帶住期待既心情準備開始師傅先將赤貝拍打，然後赤貝會因此而收縮，從而變得爽口彈牙，鮮味十足！爽彈口感令人回味無窮。師傅將牡丹蝦蝦頭炸到香脆，然後將蝦頭內既沙囊蝦膏鑲入蝦身，兩者配合綿上添花，更加帶出蝦既味道，亦看出師傅對食材既物盡其用！自家制八瓜魚刺身，新鮮度十足，配上師傅秘製既醬汁，更加好味。帶子壽司綿綿細緻，無需多餘既配料亦能食到佢既鮮味 .深海池魚壽司魚片通透白淨，脂肪比例適中，味道鮮甜。三文魚籽壽司粒粒晶瑩剔透，咬破鮮味佈滿口，鮮味滿分拖羅壽司入口即融，油香四溢的口感久久不能忘懷，正！來自小長井町既生蠔，師傅係蠔身加上酸汁啫喱，完住無猩味，蠔肚位飽滿多汁，非常之新鮮。北海道海膽海膽味道濃郁，口感豐腴，入口即溶。再加上脆脆既紫菜，一脆一軟既口感絕配日本蜜瓜唔需要多講，甜度高又柔滑，每次我去日本餐廳都必叫既甜品，作為今天晚上ending 感覺好滿足