蘇媽.蘇媽馬來西亞茶餐室 (Closed)

兩個女仔心掛掛肉骨茶，二話不說心有靈犀就決定話要去蘇媽🤣🤣坐又坐得舒服，食物好味大件夾抵食，無抗拒嘅理由～胃口唔大但又想食多幾款，決定叫個細嘅百吉爹肉骨茶，又有肉食又可以任飲🙈🙈受到藥材味嘅人應該會覺得蘇媽嘅肉骨茶好啱口味，有返適當藥材味，肉味又夠，帶啲甜甜口感，飲完暖笠笠確實唔錯！三層肉有眼見一間間好分明夠曬juicy，唔會好乾，點埋因應個人口味而調配既醬汁，無得頂～❤️❤️👍🏻下午茶時間唔算好肚餓，所以叫咗必食嘅椰香咖央多士，佢份量適中一人有兩件，相信絕對係即叫即整，焗得好脆身，不過放心唔會乾，中間夾埋牛油同唔少嘅咖央醬，每啖咬落都係幸福（同脂肪～🥲）但椰香好濃，成件事真係好滿足！既然都放肆開，就準備叫翻杯嘢飲配搭，今次選擇煉奶底嘅手沖拉茶，無少甜到😂😂簡直係一流，茶香奶香都夠又滑，推薦👍🏻