Video
Read full review
2010-04-14
9 views
好耐之前已經有朋友同我講白石呢個燒烤場d野食ok, 雖然唔係任食, 而係要散叫或者套餐咁order, 但係食物既質素有番一定既水準. 唔會好似大部份既任食場咁, 無論係黑椒雞扒抑或蒜香牛扒都係一個味道. 奈何我同我班frd都比較喜愛自己買野去燒烤場自己透火燒, 所以一路都無機會試. 直到前日, 一個月前約好既大日子居然落雨.... 為免燒燒下野食落大雨, 所以我哋決定去d有雨蓬既燒烤場, 終於都有機會去一試.可能今日落雨既關係, 係到燒野食既人唔夠多, 所以大家既活動範圍好似無我之前去過既燒烤場咁窄, 起碼唔會成日撞到人. 而且地方都幾乾淨添.我個FRD點左個海鮮餐, 有好多扒類, 但係腸仔同丸都好似少左D唔係咁夠食. 不過我地個個都覺得呢到D肉類醃得唔錯喎, 海鮮就有蝦同扇貝, 不過兩種都係好隻, 無咩野食, 點番普通既話應該抵D. 至於隻燒豬, 在場人員都有過過黎幫我哋拮下佢呀, 教我哋定時定候要轉轉佢呀咁. 之前睇話會有阿姐幫我哋燒... 我哋無喎~~~ 係我哋趕住走時隻乳燒都仲未得, 阿姐黎左一次之後叫我哋燒多幾個字先叫佢, 再過左幾個字再叫佢佢黎到都係話未得, 但係我哋真係唔
可能今日落雨既關係, 係到燒野食既人唔夠多, 所以大家既活動範圍好似無我之前去過既燒烤場咁窄, 起碼唔會成日撞到人. 而且地方都幾乾淨添.
我個FRD點左個海鮮餐, 有好多扒類, 但係腸仔同丸都好似少左D唔係咁夠食. 不過我地個個都覺得呢到D肉類醃得唔錯喎, 海鮮就有蝦同扇貝, 不過兩種都係好隻, 無咩野食, 點番普通既話應該抵D. 至於隻燒豬, 在場人員都有過過黎幫我哋拮下佢呀, 教我哋定時定候要轉轉佢呀咁. 之前睇話會有阿姐幫我哋燒... 我哋無喎~~~ 係我哋趕住走時隻乳燒都仲未得, 阿姐黎左一次之後叫我哋燒多幾個字先叫佢, 再過左幾個字再叫佢佢黎到都係話未得, 但係我哋真係唔可以再等所以佢幫我哋燒左幾分鐘就幫我哋分左佢. 之前唔知邊個話燒豬要等等D皮先會脆, 不過阿姐一分完, 我哋成班都唔理喇, 即刻食番幾舊. 嘩, D皮脆過薯片呀! 雖然隻乳豬都幾貴下, 我個FRD話要成三百幾四百蚊一隻, 其實同出面酒樓訂一隻差唔多價錢. 不過一燒好即食嗰種香脆真係好得. 不過我哋成十幾個人都食唔晒一隻 (因為都已經尾聲喇), 估唔到佢個十人套餐都幾多野食. GOOD!!
Post