雲桂香米線專門店

Open Now

Now Closed

本人其實好鍾意食小窩米線，但可惜將軍澳區只有來來去去果兩間集團米線。今日行過發現竟然開咗雲貴香，當然急不及待一試。等咗大概10分鐘就安排到位置入去坐，唔知係咪因為試業關係，店員未係好熟習流程，啲碗就收晒啦，但張枱就未抹，坐一陣見佢幫隔離枱抹嘅時候，就叫佢過嚟幫我抹一抹，但上一手留喺度啲嘢佢又冇執走，同佢講咗張單張唔係我嘅佢都係冇拎走。下午茶凍飲只係加$3，我就叫咗一碗墨魚頭、竹笙、韭菜小窩米線（小辣）。米線好快就黎到，我就覺得小辣唔係好夠辣，之後發現原來有中小辣，下次再試一試。見到佢餐牌仲有涼拌米線，如果天氣再熱啲嘅時候食perfect。總括嚟講，餐廳食物水準唔錯，店員嘅服務有進步空間，其實疫情期間清潔真係要做好啲。