坐忘

Open Now

Now Closed

呢間餐廳一直喺我想去好耐既list入面排左好耐隊。今日終於有機會食到而唔係撞到佢地休息。好彩早黎就唔洗點排隊好快就安排到入座。豬軟骨煮野菜咖哩飯 $75一上枱已經覺得呢間餐廳冇揀錯！飯係日本珍珠米，粒粒通明。豬軟骨用另外一種汁煮，好有日式醬汁既味道，而且豬軟骨係非常軟糯，食落啖啖骨膠原咁。咖哩汁亦都香口唔辣，撈埋飯食非常開胃。忌廉湯烤雞野菌烏冬 $69朋友就揀左湯烏冬，上枱同樣真材實料，大大碗！烏冬用上稻亭烏冬，入口就會掛小小湯，唔會食到好重忌廉汁咁，菇應該有炒香過先再落烏冬，雞肉用上雞扒位置，入口唔鞋又索左湯既味道。總括嚟講呢間真係好高水準既餐廳，價錢仲要唔貴，健康，冇味精又多選擇。有機會真係要再黎食過。