古味坊 (Closed)

嘩，終於比我等到啦，幾次路過都冇流心鹹蛋黃芝士味，今日遇到剛剛出爐，仲有原味同雙色原味加綠茶，即刻忍唔住買咗三舊返屋企，同班細路仔一齊食🤤🤤流心鹹蛋黃芝士味真係冇令我失望，返到屋企班小朋友一下就食晒，另外嗰兩款就唔俾佢哋食留返做早餐啦。真係好抵買，$50-70大大件，成家人做早餐都夠哂😂唯獨要睇彩數有邊樣味道出爐，我前幾次都淨係買到原味同埋黑糖味👍🏻今次食埋鹹蛋黃芝士，就所有味都試過晒啦！我自己最鍾意原味古早味蛋糕同埋抹茶古早味蛋糕，因為抹茶味唔甜同埋有濃濃嘅茶香，另外佢嘅古早味蛋糕非常鬆軟，每次買親小朋友都非常開心，成日都等唔到去第二日早餐都已經俾人食晒🤣🤣