煎餅廚房

Open Now

Now Closed

之前兩次經過都見大排長龍，今日6點鐘就過到黎，見冇人排，就入去買左一個麻辣雞肉煎餅，一個北京烤鴨煎餅。舖內有3個男生，兩個負責整煎餅，1個收銀再執頭執尾，大家都好忙..俾之前問左，原來都要等20分鐘先有得拎，只好到附近食個面再折返。好在佢可以留個電話，有得拎會call你，唔使係街食塵。每個餅都有獨立的紙袋袋好，番到屋企，等埋老公番黎食，雖然係凍左d,但仍然好好味。麻辣雞肉有花椒味，加埋芫茜，花生等配菜，但個醬略嫌唔夠辣。北京烤鴨我買時見到真係有隻烤鴨放係旁邊，要用時片出黎，唔怪得有次過左8點，烤鴨煎餅就售罄。個煎餅有大蔥，芫茜，花生同烤鴨醬，如果再多d 醬會更美味。