加多娜天然酵母手作麵包店

Open Now

Now Closed

呢間以前成日經過都勁多人排隊，一直都好想試下佢哋馳名嘅布甸包，終於呢日收工見到冇乜人排隊，諗住試下撞彩竟然仲有得買，於是我買咗兩個芝麻味布甸包同一條芝士方包。❃ 黑芝麻布甸包 $23拎到返去時候已經畀我震到散曬，好彩味道都係好好食。 黑芝麻味好香濃，咬開嘅時候聞到超香芝麻香，同埋見到勁多芝麻流心流哂出黎超級治癒，難怪咁多人排隊。下次可以試埋其他口味，綠茶紅豆都好吸引！❃ 芝士方包 $26呢條方包都好好食，切開個方包入面有勁多芝士粒粒，就連個麵包皮都有芝士脆脆。麵包勁鬆軟，叮熱嚟食嘅時候牛油味好香，呢個芝士方包超級推介。