南小館 (青衣城2) (Closed)

睇戲前係附近搵食，又唔想行太遠，呢個商場入面都好多食肆，好多選擇，南小館就係戲院樓下，非常方便，之前都有食過其他分店，感覺都唔錯，店舖裝修感覺簡潔乾淨，都算大間，入面都幾多位，價錢較相宜，份量唔算大，但食物質素係唔錯。蔥油海蜇頭 海蜇頭彈牙，蔥油味香濃。無錫小籠包 (5件)小籠包都有好幾款，問了店員，推介了這款無錫小籠包，皮夠薄，好多汁，夠鮮甜。上海粗炒 份量不算多，醬油色澤均勻，粗麵條夠彈性，有口感，但較油膩。