南小館 (青衣城2) (Closed)

收到佢就嚟結業嘅消息，一向佢都係抵食嘅中菜，所以今晚再嚟食！佢嘅餐牌其實都好多花款，滿足一般上海菜嘅菜式。青衣城二期都幾大位置，夜晚八點幾左右先去食，唔使排隊可以直接入去。餐廳入邊設有卡位，就算普通凳都坐得舒服，一家大細嚟食好適合。我哋叫咗佢個滋味三重奏套餐 $318個小籠包入邊都好多湯汁，溫度啱啱好，食落去唔會燙口。個餐嘅重點當然係酸菜魚，我認為佢好好食！我哋叫咗小辣，對於唔食辣嘅，我都可以接受到。酸菜魚當然滑嫩，入面仲有水晶粉芽菜萵筍酸菜，食落非常滋味甜酸蝦球呢個份量都適合我哋四個人分享，炸粉唔會好厚，食落去隻蝦都唔會雪藏味好重。我哋仲加咗個雲吞湯麵，湯麵就係清湯底，菜肉雲吞嘅雲吞皮都幾滑，普通面底嚟講，四個人都可以分到一碗。仲叫咗個奶油津白，娃娃菜食落去不老，奶油屬於厚重啲嘅嗰一類，每條菜食落去都會掛住奶油，如果想食滋味啲嘅蔬菜可以試吓四季豆，不太熱氣這個奶油津白會是好的選擇好可惜連呢間最後一間嘅南小館都就快關門，希望有機會捲土重來，我都會再返去食

今日去完迪士尼，之後選擇黎到青衣城晚餐Lisa媽係無辣不歡但因為要就個女成日都冇得食辣今日黎南小館就唔同細路可以食小龍包、菜肉雲吞麵今日有特價可以加錢多隻乳鴿細路表示好岩食，呀媽就可以自己黎一個酸菜魚夠酸夠辣夠麻配料有薯粉，萵筍同牙菜加埋大量酸菜覺得勁正，好滿足

完全唔好食，炸野太油，撈麵太鹹。無服務. 呢個價錢，大家自己諗下黎唔黎啦. 我都覺得奇怪，午餐時間，得呢間唔洗排隊。 無下次。小籠包都食得落既，仲有杯麥菜都 ok☺️ 完。 不推薦

「南小館」是一間提供正宗上海菜的餐廳，位於熱鬧的市中心，非常適合午餐和下午茶。來這裡，你可以享受到各種麵點和小菜米飯套餐。每份麵點餐都會附送一個前菜小吃，而且還有免費的紅豆薏米水可以解渴，真的很貼心！談到菜品，紅燒牛肉麵雖然少了點新鮮牛肉的那種鮮香，但牛肉的分量絕對夠足，確保你吃得滿足。蔥油拌麵的味道也不錯，蔥香四溢，雖然配菜不多，但那煎香的蔥和蝦米完全能撩起你的味蕾。如果你愛小吃，別錯過他們的生煎包——湯汁豐富，底部煎得金黃酥脆，而上面的麵皮又保持了柔軟，多重口感讓人欲罷不能。特別是現在午餐時，加$20就能再得到2個生煎包，性價比超高，每次來我都會點！

等執笠呢間南小館營商手法真係差勁， 今日和媽媽家姐食下午茶，我哋叫你二個下午茶餐加一個單點，餐牌寫上正價七折，點知…中伏首先叫的食物真係慘不忍睹，叫擔擔麪，完全冇花生醬，只得辣醬，淡某某，麵份量少，完全唔合格，仲有叫了個單點炒年糕，只係得 豉油，求其炒埋一碟，完全唔掂 。 服務員態度專業咁差。 去結賬又話單點唔可以下午茶套餐共用， 所以冇折， 點解落單前服務員唔提我們。 呢間真係x店等執笠

今日來食個下午茶，炒年糕就係豉油撈年糕．完全不好吃，生煎包個包皮濕淋的，沒甚麼味道，出品比以前差好多。最勞氣有位阿姐（短髮，細眼，約1.5米高，略肥身形），我話「唔該俾啲豆瓣醬」，佢即時露出極之不耐煩的表情向我說；「唉，你一次講晒啦，分開叫」。我即時着燈我話「阿姐，我第一次叫你咋喎，乜嘢叫一次叫過叫晒呀？ 乜你咁冇禮貌㗎？」 之後佢攞咗一碟辣椒油放上枱面，說「冇豆瓣醬，得辣椒油」成間舖數埋都冇10個客人，都咁冇禮貌，態度咁差，出品又唔好食，等執笠啦⋯⋯

剛係英国回來，晚上唔易搵位，見佢裝修都ok，所以入去試下。入到去見到冇乜人，心諗係咪伏伏地呢，但係既來之則安之！叫咗黃金四季豆，咕嚕肉，炸銀絲卷。點知個咕嚕肉完全唔係嗰樣嘢，肉係肉片嚟嘅，顏色瘀黑。你做上海菜竟然唔識整咕嚕肉！第一次見用肉片嚟做咕嚕肉。諗住同侍應反映下。點知佢未等我講完，就回應我話佢全部餐廳啲肉都係呢隻肉，跟住未等我講完已經走咗去！嘢食唔好可以原諒好嘢！但咁嘅服務態度，下次點嚟呀大佬！

南小館是上海菜館，午餐有麵點餐及小菜米飯套餐，麵點餐有一個前菜小吃。加一杯不用另外加錢的紅豆薏米水，疫情前人少，午餐及下午茶有單點$28一隻燒乳鴿，挺劃算的。現在減價後，乳鴿也要$48一隻了。 麵點餐的紅燒牛肉麵，雖然沒有新鮮牛肉的香味，但是牛肉分量還不少。蔥油拌麵味道還可以，挺香的，不過就沒有甚麼菜了，除了煎香的蔥，還有一些蝦米。每家餐廳可能都有一兩樣好吃的菜式，在南小館，我最喜歡的是生煎包，包子裡面有湯汁，底部煎得金黃焦脆，包子上面軟軟的，一個包子有多重口感，挺好的，如果叫午餐，跟餐可以用$20 加 2 個生煎包，我每次午飯都會加的，用這個價錢，是值得試試的。

同老公撐枱腳食lunch, 見到呢間環境幾好又唔逼, 門口寫住午餐$55起就入咗去. QR code 　落單冇實體menu, 嬲嬲哋出返去門口度望, 咁先可以一次過睇到有啲咩食. $55 起係冇呃你嘅, 佢最聰明嘅地方係門口個Menu冇寫加幾錢, 因為基本上乜都要加錢. 連豆漿都要加錢叫咗擔擔麵同咕嚕肉飯. 個擔擔麵好稀, 有D辣, D麵比較少, 唔覺得自己食緊擔擔麵. 個餐包咗個小食叫咗雞絲粉皮就ok. 咕嚕肉上枱，大大碟好靚仔, 個汁幾好, 點知啖啖都係粉, 究竟我食緊啲乜？以青衣城嚟講價錢係ok, 不過我寧願比多少少錢食得開心啲.

Very bad experience and couldn't believe such kind of services for a reputable eatery 😕 the staff preferred to chat among themselves, in their own group, rather than serving customers. Have to repeatedly get their attention and attitudes were reluctant. Food was overpriced for that kind of quality. Couldn't believe that I am in Hongkong. What a shame 😡 1 star is too much, guess have to put in at least one star to have this submitted. if there is a negative rating, will be what they deserve

成個青衣城人頭湧湧，淨係南小館有位，所以入去快食個午餐！點了雞絲粉皮、酸辣湯雲吞和甜品桂花拉糕。因為天氣太熱，費事個甜品會溶，我就跟阿姐講「唔該甜品後上」，阿姐話「盡量」！我心諗乜嘢盡量！？！我唔講你自己都知啦！！算啦！我都費事再應佢！於是我食完d 咸野，跟著想叫服務員上甜點，點知舉手舉左5mins都冇人應！當時有一個男服務員明明見到我，有眼神接觸都扮睇唔到！！！好野！於是我索性去cashier 埋單，我同阿姐講桂花糕冇黎，唔該幫取消！跟著阿姐話係你自己話遲啲黎，我話我舉手舉5mins都冇人理我，阿姐話你唔應該叫我哋後上甜品。我已經不知道她是傻還是痴？！我有俾加一服務費的，還要被佢教訓，南小館不如轉做自助餐！

話說嗰日真係好肚餓，嚟到人稱美食荒漠嘅青衣，我一早就有心理準備。一期我就冇選擇到呢，因為既然二期算係新開咁就選擇咗去二期搵食算，我見二期都有唔少餐廳嘅，中西日韓，但係明明個肚已經好肚餓，都呢樣又唔想食，嗰樣又唔想食，想食嗰啲餐廳又大排長龍，睇嚟嘴习到一個地步都連個肚唔比臉，我諗大家都試過㗎啦。咁啱路過呢間叫做南小館，聽個名就係賣南方嘅菜式，其實都唔係第一次路過㗎啦，都第二三四次。望兩望，入面比我想像中要大，座位都好多，但人就比較稀疏，頭幾次路過都已經覺得好少人喺度食嘢咁，唔知係咩問題呢。餐廳空間大光線充足嘅，設計都比較簡潔，睇落都坐得舒服，我喺門口打量咗一陣，望望菜單見到價錢其實都好想打退堂鼓，雖然中菜不嬲個價錢都係咁㗎啦，但係話曬都只係自己一個人食冇人分擔，個荷包都有少少想縮番去m字快餐食個bell算，但係無奈我個肚已經頂唔到幾耐，加上口硬唔食快餐要食就食好嘅，唯有就試試佢。一坐低啲茶水都好快到嘅，同眾多中餐廳一樣，餐具就一早擺好。個茶壺就係好似圖入邊咁嘅，金色，外形都特別，令我諗起啲舊式水煲，唔知大家屋企仲有冇用，一水滾就VV聲。都幾大個，但拎落比想像中唔太重，可能係本身個壺嘅物料

同朋友們放工，約咗係青衣城食晚餐。朋友話想食下上海野，上網睇下個食評。好似有啲伏。但係又見都唔少人食。都膽粗粗去試下。咁入到去都點咗幾樣嘢。我個人覺得最好食係個年糕好煙韌，食耐咗都仲軟熟。小籠包都多汁。個手撕包菜，我就覺得酸咗啲啲。個四小拼嘅糖醋骨同烤麩入味好食😋老重慶擔擔麵微辣唔食得辣嘅人都應該接受到。蘿蔔酥都够酥脆但係蘿蔔餡少咗啲，冇咩蘿蔔味。至於服務方面，啲店員嘅態度都唔錯。我哋提出要熱水，牙籤都好快幫到手。試完之後，覺得呢一間食物同埋服務都係正常範圍之內。

我承認我癲咗😂 兩個人嗌到成枱都係😂 不過埋單都只係$572，性價比都算高😂 其實味道都真係好唔錯，只係嗰招牌炒飯扣咗分🥲 我係情人節嚟食，唔知佢係咪估唔到咁好生意，所以安排真係有啲亂🫣 入面有好多枱，但係可能出唔切/招呼唔到，所以無俾人入嚟🤔 入到去好似點心紙咁落單，豆漿落咗單，無哂無同我講，照入咗紙🤔 要吹先同我跟進，但又即刻幫我處理，所以都算係咁☺️我覺得最值得叫係南小館四小拼 $88☺️ 好多時兩個人想食前菜，都大碟到食完已經食飽😂 但呢嗰又可以樣樣食啲試到幾樣🥰 不過扣分為係所有前菜都係凍食🤔 咁樣對比最好食係四喜烤麩，係齋嚟🥰 口水川雞同花雕醉雞都好okay🤔 但糖醋排骨可能因為凍，所以減咗好多分，甚至有啲奇怪😂秘製黑豚肉配滷蛋 $108 - 諗住呢嗰價會好好食，但好普通🤔 蛋都好麻麻🤔炸銀絲卷 $28 - 外脆內軟，炸得啱啱好😚 叫得過☺️金網生煎窩貼（4件) $58 - 皮有少少厚，口感差少少🤏🏻但味道都幾唔錯乾煸四季豆 $68 - 呢嗰好食😚 亦好夠味，好易可以清哂😚 招牌炒飯 $88 - 佢英文聲稱係有蛋黃，但完全食唔出，仲有啲淡，要連埋四季豆嘅調味料先夠😮‍💨桂花洒釀九

真係好難食 ! 我對食物要求唔高, 不過你 d 餸菜唔夠熱, 應該唔會有下次... 我情願響屋企食公仔麵 !我點了 鮮肉小籠包/四喜烤麩/糖醋排骨/蜜桃咕嚕肉/清炒蝦仁/腐皮小菠菜