Video
Read full review
2019-06-23
609 views
星期日，一家人去食晚飯，揀咗呢間日本餐廳，菜式種類都算多，價錢亦相宜，算係平民食堂。在等候被安排入座期間，見到店內都算仲有幾多張枱，有客人自己走咗入去先，一個白色衫嘅經理A好大聲咁「請」個位客人出返去等安排，已覺得佢嘅禮貌好一般。落單嘅係一位比較後生嘅女仔，有啲似考完DSE就來打工嘅。我落單嘅時候都係慢慢咁逐樣講，等佢寫好一樣我先至講第二樣。大概十五分鐘，啲食物好耐都未尼，咁就叫嗰位女仔幫忙睇下張單，佢都有去follow up。首先尼左一個飯同埋一啲壽司，跟住仲有個火鍋同沙律就好耐都未尼。跟住屋企人就問左另一個侍應，個火鍋幾時有，因為好少可炒完碟飯都仲未有個鍋。跟住佢話去睇下，然後返嚟拎住個Menu問係邊個鍋，屋企人就問佢係咪冇落單，佢話係然後過咗1分鐘我醒起仲有個沙律，咁就再舉手，另一個經理B行咗過嚟，我問佢個沙律有冇落單，佢竟然笑笑口咁話冇，我就問，即係兩樣野都漏咗單？佢仲微笑咁話「係」，冇道歉，態度都好串下咁，完全係話知你等幾耐。我自己本身唔太鍾意係公眾場合同人嘈交，所以都冇話佢，亦都冇投訴，因為兩個經理嘅態度都好差。同佢哋投訴都係浪費自己時間。我個樣都炆炆地。因為係嬲幾樣野，一
在等候被安排入座期間，見到店內都算仲有幾多張枱，有客人自己走咗入去先，一個白色衫嘅經理A好大聲咁「請」個位客人出返去等安排，已覺得佢嘅禮貌好一般。
落單嘅係一位比較後生嘅女仔，有啲似考完DSE就來打工嘅。我落單嘅時候都係慢慢咁逐樣講，等佢寫好一樣我先至講第二樣。
大概十五分鐘，啲食物好耐都未尼，咁就叫嗰位女仔幫忙睇下張單，佢都有去follow up。首先尼左一個飯同埋一啲壽司，跟住仲有個火鍋同沙律就好耐都未尼。
跟住屋企人就問左另一個侍應，個火鍋幾時有，因為好少可炒完碟飯都仲未有個鍋。跟住佢話去睇下，然後返嚟拎住個Menu問係邊個鍋，屋企人就問佢係咪冇落單，佢話係
然後過咗1分鐘我醒起仲有個沙律，咁就再舉手，另一個經理B行咗過嚟，我問佢個沙律有冇落單，佢竟然笑笑口咁話冇，我就問，即係兩樣野都漏咗單？佢仲微笑咁話「係」，冇道歉，態度都好串下咁，完全係話知你等幾耐。我自己本身唔太鍾意係公眾場合同人嘈交，所以都冇話佢，亦都冇投訴，因為兩個經理嘅態度都好差。同佢哋投訴都係浪費自己時間。
我個樣都炆炆地。因為係嬲幾樣野，
一，落單個女仔漏咗單，睇都睇到冇理由呢個人數係食咁少野，我唔想話人蠢，但係真係覺得好離譜。
二，經理處理事情同本身態度十分差，非常之串。我係尼食嘢嘅客人，得到失望嘅上菜服務之餘，經理對待嘅態度亦非常差。
三，都係個經理，佢見到你唔滿意個樣，佢好似好開心咁，覺得佢有啲變態，都唔明點解有啲女人可以咁...我唔想講係歲數問題，可能係「他者即地獄」。
大家都唔識大家，我自問都係一個有禮貌嘅客人，竟然得到啲咁嘅服務態度，嬲嬲地但又唔想出言不遜，因為已預知冇好結果。只好用文字表達不滿，香港人真係要好好珍惜言論自由
真係唔推薦大家去幫襯，好似我咁唔好彩嘅話就會食到一肚氣
Post