半島漁港/阿翁火鍋館 (南昌薈)

Open Now

Now Closed

朋友新屋入伙，幾個朋友上左佢度坐陣就去左呢間食飯，貪佢任食任飲，8:30後仲有折。一行10個等左陣就入得，先黎每位一隻鮑魚同冬菇，幾大隻，味道一般。過左一陣就一大盤魚生，質素都係可以接受既，差唔多時間黎左雞煲，經理主動話會幫我地炒，又講要用咩火，同埋講番雞係無限添加，中間又撩我地傾計，睇得出佢係有心做服務既。之後就黎左張相既海鮮盤，有蝦、蟶子、象拔蚌、龍蝦、龍躉同帶子，其實食完都飽左7、8成。全程個經理都有check我地使唔使幫手，又會主動換碟，今時今日喺屋村酒樓好難搵到架啦。埋單290一個，抵食到爛。