半島漁港/阿翁火鍋館 (南昌薈)

Open Now

Now Closed

知道這個飲食集團旗下的「半島漁港/阿翁火鍋館」在星期一至五的晚飯時段，即使只得兩位客人，也可以優惠價格 $1便吃到1/4隻「極品BB豬」、1/4隻「至尊燒鵝」或半隻「海南文昌雞」。既然這麼抵食，我便與太太在一個平日的晚上來到最近自己的「半島漁港/阿翁火鍋館」南昌分店，吃個豐富的晚餐。兩夫妻都喜歡吃乳豬，「極品BB豬」當然是我們的首選。這乳豬皮薄而脆，肉地偏瘦，肥肉不多，水準不錯。除了這最抵食的「極品BB豬」，我們還點了2-3位用的「晚飯優惠套餐」（$488）。這套餐可在 6款小食中任選一款，燒味可在三款中任選一款單拼或雙拼，廚部小菜就可在二十款小菜中任擇其二，再加上「是日老火煲靚湯」或「豆腐海皇羹」，還有滋潤糖水奉送，都可算非常豐富。在六款小食中，我們揀了「手拍青瓜」。這小食份量極多，爽脆的青瓜，微辣的味道，十分開胃。是日老火靚湯是「沙葛熱小豆煲瘦肉」，湯味濃甜，我倆每人都可分到兩碗。燒味雙拼----「燒腩仔拼蜜汁叉燒」是我們的選擇，燒腩仔和叉燒都燒得不錯，而我倆各有所好，太太覺得肥瘦適中的蜜汁叉燒較為好吃，而我就較喜歡皮脆肉腍的燒腩仔。兩道小菜，「剁椒蒸大鱔」味道濃郁，大鱔肉質結實而

約咗家人到半島漁港食晚飯，呢日叫咗以下幾款菜式:至尊燒鵝皇 - 燒鵝係其中一款$1菜式，燒鵝皮脆肉嫩，充滿鵝油香，肉質juicy，配上醃蘿蔔條很解膩，很驚喜這道菜完全沒有將貨就價。奇味沙拉骨 - 一字排唔嚡但有𡁻頭，醬汁酸酸甜甜，加上沙律醬，很開胃。半島小炒皇 - 小炒皇用上蒜芯、炸魚仔、魷魚、蝦乾及腰果，味道微辣，當中部分材料食落香脆，蝦乾同魷魚就增加咬口，蒜芯就又爽又甜，整體感覺平衡。原隻菠蘿脆皮咕嚕肉 - 菠蘿是新鮮菠蘿，食落零舍鮮甜多汁，咕嚕肉炸得香脆，掛上甜酸汁，很送飯。啫啫蝦干唐生菜煲 - 生菜炒得爽脆，加上蝦醬調味，一嚟到就香噴噴，即時食慾大增。豉椒炒鵝腸 - 鵝腸爽脆，用豆豉爆炒，很惹味，再加上洋蔥青椒，中和了內臟嘅膩感。例湯 - 是日例湯係粉葛赤小豆瘦肉老火湯，飲落清清哋，去濕一流。紅豆沙 - 食到陣陣陳皮果香，紅豆沙少甜，煲到起晒沙，好食過好多外面糖水鋪嘅出品。另外，店員服務週到，家人對呢餐都很滿意。

今次我地帶埋父母去食飯，長輩一般都鐘意去茶樓食，而呢間就係深水埗南昌區比較好既一間，佢地有火鍋同小菜食，我地就揀左食小菜😁佢坐位都係正常茶樓位，都闊落，平日仲有好多特價食物，重點就係$1燒味，超抵食‼️燒鵝例牌（$1）佢地門口掛住一隻隻既燒鵝，見到咁大隻就揀左燒鵝，旁邊仲有個師傅即燒乳豬，相信我鵝都係咁樣整，隻鵝都好多肉食，例牌都唔細😋迷你冬瓜盅（$168）呢個冬瓜盅係限量既，我地叫完見隔離枱已經冇得食，要食就要一坐低即叫，佢一d都唔迷你，勁大兜，又足料，我諗夾埋有10碗起碼，我地4個人食都食唔曬😆薑蔥鮑魚雞煲（$168）雞煲既鮑魚比我想像中大隻，唔係是但比d細既hea你，總共有4隻，雞件都幾多，多埋煮得入味👏🏻沙爹粉絲金菇牛肉煲（$138）呢個牛肉煲唔係用肥肉，係用嫩既牛肉片整既，同樣都係好大煲，上枱既時候仲係滾，d粉絲索曬d汁好惹味，不過吸曬d汁既關係有d乾，再多汁就更好😉四季豆茄子炆豆腐（$118）食咁多肉，叫番個菜類啦，茄子炆豆腐整得幾好味，個醬汁用黎撈飯都唔錯🍆食完成餐飯埋單既時間，店員仲話送糖水比我地，好好人，而送比我地既就係綠豆沙，可以清下熱都唔錯🥣呢間酒樓可以話大件夾抵食

有次行經呢度見到門口海報D晚安優惠好吸引,仲話有1蚊乳豬/燒鵝/文昌雞揀tim今晚諗唔到晚餐食咩,又想食下小菜,所以就黎試下喇晚市都幾爆場分開咗一邊打邊爐一邊小菜手拍青瓜配上蒜泥帶有小小辣味, 清爽之選老火煲靚湯 - 粉葛赤小豆豬骨湯媽媽湯味,飲落冇味精湯渣已經好細心咁另外裝起咗出嚟店員仲周不時過黎幫我地添湯重點係份量都幾大壺呢個size我地2個人每人飲左4碗先清底燒味雙拼海哲燻蹄+ 燒腩仔燒腩仔外皮做到芝麻皮，咬落脆卜卜肉質食落鬆化,軟腍無渣而且半肥瘦適中燻蹄薄切蘸上蒜醋汁,好開胃至尊燒鵝價錢真心大癲冇諗過真係有1蚊價以為呢個價錢會好流啦點知用哂托盤加熱住黎到仲要咁岩係鵝脾位燒鵝皮脆,個肉質帶有獨特香氣食落鵝油味道好香,肉質咬落juicy必食！跟住臨走先見到呢張咁震撼嘅相就咁睇都覺隻隻燒鵝既質素好靚剁椒蒸大鱔剁椒既辣同鱔肉本身既鮮甜味道好夾鱔肉好新鮮,食落肉質好爽彈, 帶有魚油香而且骨位都係響中間, 所以唔太識吐骨既朋友都好易處理到台式三杯雞煲黎到見到個份量嚇一嚇雞煲size 😂個煲黎到滋滋聲,鑊氣十足雞件配上蒜頭,小青椒,紫洋蔥同其他香料炒出嚟嘅濃郁香氣,仲有小小酒嘅味道,特別開胃

最近去咗深水埗嘅半島漁港同家人晚餐，全因佢依家做緊$1 有一款小菜嘅大優惠😍 餐廳環境舒適，服務態度仲一流，侍應都非常主動服務我地，氣氛非常不錯。首先食嘅係海南文昌街半隻雞，只需$1就可以享用！雞肉鮮嫩多汁，配上特製嘅醬料，味道更加出色。這道菜真係超值😋然後係蒜片薯仔牛柳粒，薯仔粒煎至外脆內軟，牛柳粒肉質軟腍，完全唔靭，味道仲好濃郁❗️漁香茄子牛仔煲嘅茄子煮得軟滑入味，牛仔均勻沾滿漁香醬，令整道菜更加美味。最後係蒜蓉炒白菜仔，新鮮嘅白菜仔配上蒜蓉，炒至香氣四溢，口感清爽！最尾仲有一人一碗免費嘅紅豆沙，價錢同服務真係超好！

今日同朋友去南昌行街，行到攰攰哋，天氣又突然轉涼，梗係要打邊爐暖吓身啦！🍲 我哋去咗南昌薈嘅半島漁港/阿翁火鍋館，無限時任飲任食。一坐低，嗌份雞煲，之後餐廳就送上每人一份炆鮑魚西蘭花。鮑魚炆得入味，彈牙爽口；之後就到刺身拼盤，有三文魚、帶子、蝦同赤貝，新鮮厚切，好滿足！而海鮮拼盤都唔少嘢，有蟶子、生蠔、鮮蝦、蟹、墨魚，全部都好新鮮。打邊爐我一定要食牛，呢度嘅牛頸脊，油脂分佈均勻，肉質鮮嫩，牛味濃郁。另外至尊水餃皇皮夠薄，蝦肉爽口彈牙！任食區嘅嘢食真係琳瑯滿目，有各式各樣嘅丸類、海鮮、肉類、餃子、蔬菜同埋麵類，例如青口、美國雪花肥牛、墨魚滑、響鈴、炸魚皮、公仔麵等等，而飲品方面都好多選擇，有汽水、啤酒等等。整體嚟講，餐廳環境舒適，食物質素高，下次會再嚟！

早前行過南昌薈「半島漁港」酒樓門口，俾佢個晚市優惠$1 BB豬/燒鵝/文昌雞吸引住，我哋今晚係為個$1燒鵝而黎😂未夠七點嚟到，已經見有成七成枱坐滿咗，好熱鬧！今日嘅例湯係赤小豆粉葛，好適合依家嘅天氣飲，我哋點咗個細嘅，兩個人每人分到兩碗，湯好足料又清潤，重另上埋d湯渣。$1 燒鵝超有驚喜，份量比預期多，圖中相片已經有舊落左肚😁今晚真好彩分到隻燒鵝髀，皮薄香脆，中間有層油脂，鵝肉頗嫩，肉味香濃。另外加分嘅係份燒鵝用個玻璃兜盛載，下面一直有支蠟燭溫熱住，保持住燒鵝嘅溫度。半島小炒王好惹味，韭菜炒得好香又爽口，夾雜着炸過嘅白飯魚、腰果、蝦仁、菜脯等食材，送飯一流！XO醬螺片珊瑚蚌，整個菜色的味道唔錯，螺片同珊瑚蚌數量都唔少，翠玉瓜同荷蘭豆入晒味得黎又唔乾身，感覺好味得黎又健康。最後仲有足料綠豆沙同椰汁桂花糕送，超滿足，捧住個肚走，下次要嚟試埋個冬瓜盅先！

火鍋今日去「阿翁火鍋館」打邊爐，真係一個唔錯嘅選擇！呢間酒樓以無限時任飲任食火鍋出名，真係食到你唔想走。 「阿翁火鍋館」嘅環境舒適，座位寬敞，適合一家大細或者朋友聚會。服務員態度親切，服務周到。最重要係，呢度嘅食物選擇多樣化，質量高，物超所值。首先要介紹嘅係佢哋嘅✨招牌鴛鴛鍋，包括皮蛋芫荽同沙嗲。皮蛋芫荽湯，湯底鮮甜。沙嗲湯則帶有濃厚嘅花生香味，適合鍾意重口味嘅朋友。之後有每人一份：✨蠔皇鮑魚扒玉掌： 呢道熱食真係唔可以錯過，鮑魚嫩滑，玉掌爽口，配上蠔皇汁，味道非常鮮美。✨刺身：有 三文魚、甜蝦、赤貝同帶子，呢幾款刺身新鮮美味，入口即溶。特別係三文魚，油脂豐富，口感滑溜。✨環球海鮮盤：有 海蝦、蟶子、元貝、墨魚仔、生猛海蟹同生蠔，呢個海鮮盤真係豪華，海鮮全部都係新鮮處理，特別係生蠔，鮮甜多汁，真係一流。✨阿翁極級牛頸脊： 呢款牛頸脊肉質鮮嫩，油花分佈均勻，煮熟後口感嫩滑，味道濃郁。✨至尊水餃皇： 水餃皮薄餡靚，餡料豐富，特別係蝦仁同豬肉嘅搭配，味道鮮美。任食就有：✨鱔片： 鱔片新鮮，肉質嫩滑，煮熟後口感彈牙。✨美國雪花肥牛：呢款肥牛亦都唔錯，encore 必選。✨鵝腸： 鵝腸爽脆，特別

天氣凍左梗係要打邊爐啦今次泥到南昌薈半島海港/阿翁火鍋館試下佢哋無限時任飲任食火鍋價錢好抵玩會送埋海鮮拼盤、鮑汁鮑魚花膠同刺身拼盤打邊爐前仲可以揀重慶辣雞鍋/澳門豬骨鍋/時令羊腩煲食完先再加料繼續打邊爐🤤而湯底方面都有好多選擇包括冬瓜瑤柱鍋、皮蛋芫荽湯、招牌鴛鴦鍋、滋補藥膳鍋、秘製麻辣鍋、蕃茄薯仔鍋、姬松茸什錦鍋首先鍋我地就揀左羊腩煲羊腩煲好足料 有齊腐竹、馬蹄、冬菇、筍等配料食落好滿足😚刺身拼盤有驚喜三文魚夠肥美帶子同甜蝦都好甜😋 估唔到係酒樓都食到咁新鮮既刺身海鮮拼盤估唔到竟然有花蟹、扇貝、海蝦、墨魚仔、生蠔、蟶子全部都好新鮮同大大隻鮑汁鮑魚花膠炆到入哂味同夠腍勁滿足😍至尊水餃皇 餡充滿粒粒蝦肉 食落勁彈牙呢個價錢食到咁多嘢真係好抵打邊爐配料都好多選擇我最鐘意都係美國雪花肥牛同牛頸脊口感彈牙得泥牛味好香濃！其他款全部都好正絕對食到回本😙

想坐得舒服無限時束縛任食 半島漁港阿翁火鍋館 係一個幾唔錯選擇！包基本調料、任飲自助～飲品：紙包、罐裝同啤酒都有 1️⃣辣雞鍋/羊腩/豬骨 （3選1）雞鍋可以任食，選擇小辣，炒香都幾惹味！2️⃣每人一份蠔皇鮑魚3️⃣刺身拼盤 4️⃣環球海鮮拼盤 5️⃣阿翁極級牛頸脊 6️⃣每人一粒至尊水餃皇揀雞鍋可以任添仲可免費揀一款湯底冬瓜瑤柱鍋 幾清甜，仲勁多瑤柱碎牛頸脊 超靚仔，兩人食份量都好多！連火鍋肉類都食唔到太多，配料質素好好～～✨8:30後入座有8折優惠喔！

店名：半島漁港地址：九龍南昌站西邨路19號南昌薈1樓102號鋪今日同朋友到南昌工作，早前試過半島漁港嘅火鍋，今次就試試佢個小菜1.燒鵝（例） $1除咗一蚊燒鵝外，佢仲有文昌雞同埋BB乳豬，因為我哋四個人，所以酒樓系畀咗一個例俾我哋，份量都算不少2.優惠三寶 $398 -欖角骨 -清蒸富貴班 -白汁明蝦球優惠三寶套餐性價比高，佢除咗三寶外仲有一個四寶嘅，但四寶系包括龍躉兩味，羊腩煲同埋蝦碌，但同行朋友對於羊腩煲冇興趣，都系試返佢個三寶，欖角骨惹味可口，外脆內嫩，送飯一流；富貴班足兩，四人食啱啱好；白汁明蝦球，炸漿脆薄，新鮮炸起3.花膠四寶羹 $208配料十足，有火腿絲，叉燒，竹笙，木耳等配料，最重要系花膠都好多，四個人最少每人都可以飲到兩碗😆😆4.如意竹笙羅漢齋 $118配料十足，有竹苼，粟米乾，木耳，雲耳，數種菇類5.日式燒汁脆鱔 $78脆鱔肥美，配合埋個燒汁非常好味6.茶介 $607.花生 $108.白飯 $30總數連加一$993

Weekday Dinner 🔥 半島小炒皇 $128小炒皇惹味香口，有爽甜蒜芯、香炸炸魚仔、魷魚、蝦乾及香脆腰果，味道帶點微辣，口感豐富，很下飯👏🏻👏🏻🍍 原隻菠蘿咕嚕肉 $148賣相吸引，咕嚕肉外脆內彈牙，配上酸酸甜甜的新鮮菠蘿及甜酸汁，很開胃🤤🍚 臘味糯米飯 $148天氣轉冷就會很想吃臘味糯米飯，除了香噴噴的臘味，香脆的花生更加分不少，再於表面舖上煎蛋絲增添美味👍🏻🐷 極品BB豬（+$1）星期一至五晚市可以以$1加選一款燒味（有海南文昌雞、至尊燒鵝皇、極品BB豬），2-4人可獲1/4份。BB豬外皮脆口，脂肪均勻，超值又好味😋😋😋🫘 最後更送上紅豆沙作為甜品，充滿陣陣陳皮果香，紅豆綿密，很滿足。🫖 茶位 $15/位🥜 花生 $10餐廳闊落，裝修古典，晚上座無虛席。除了食物不錯，餐廳服務殷勤，很加分💕

要食無限時任飲任食火鍋，我們找到「阿翁火鍋館」。阿翁有不少分店，剛好找到一間與我們都非常接近的，不用大家都專程出到旺角、尖沙咀或銅鑼灣。幸好我們一早打電話預訂座位，阿翁非常旺場熱鬧，因為酒樓有一半是中菜，另一半就做火鍋。這麼多人來食，一時間令我們非常期待。另外酒樓的其中一個最大優點就是圓台，多人聚餐時可以方便傾偈，遠勝其他火鍋店。⍉ 1. 招牌鴛鴦鍋招牌鴛鴦鍋分為兩種湯底，皮蛋芫荽湯和沙嗲湯。皮蛋芫荽湯清淡芳香，感覺清新，適合喜歡清淡口味的。而沙嗲湯則是另一種風味，濃郁的沙嗲味與火鍋配料非常配合。兩種湯底各有特色，鴛鴦鍋就是有這個好處。⍉ 2. 限定食材餐廳的每人一份限定食材非常吸引。想不到酒樓的任飲任食火鍋竟然有日本刺身，有三文魚、甜蝦、赤貝和帶子。每一片刺身都切得極為厚重，而且魚生新鮮，特別是三文魚，油脂豐富。- 環球海鮮盤，是日海鮮有海蝦、蟶子、元貝、墨魚仔、生猛海蟹和生蠔，擺盤驚魂，上桌時大家都嘩了一聲。特別推介超大粒生蠔和新鮮串蝦。生蠔新鮮肥美，一口放進口中實在超級滿足。海蝦則肉質緊實，非常彈牙。- 阿翁極級牛頸脊，亦是非常非常出色，個人相信單是這碟牛頸脊都價值不菲，一碟足夠

本身諗住入嚟任食打邊爐，個套餐有固定咗嘅配菜同埋可以另外單點嘅餸。我哋坐低咗落單嘅時候特登提醒侍應我哋另外有單點咗一啲餸，侍應亦都係點頭好似明白咁嘅。結果等咗好耐我哋單點嘅餸都未上，於是我哋追問第一位侍應，侍應就答我哋廚房整緊叫我哋等等，當然亦都冇真係幫我哋追問廚房啦。又過咗一段時間我哋見啲配菜都仲未上，就追問第二位侍應，第二位侍應就答我哋啲嘢自己識得上唔需要落單。又過咗一段時間我哋啲餸都仲未上，我哋就追問經理，經理先話俾我哋知由頭到尾都冇落過我哋單，我哋白白等咗一個鐘。成件事啲侍應好明顯係冇受過訓練，求其敷衍吓就算，今次呢次體驗真係識到我哋一肚氣