喜多郎日本料理

Open Now

Now Closed

西貢嘅日本餐廳唔多，所以冇乜考究就幫襯左呢間野啦，點知原來係一大伏。 餐廳門口嘅餐牌嘅菜式大概80幾蚊，我地見價錢合理，於是入去啦，點知入到去大部分都係貴價野，同門口嗰啲菜式似乎有所出入，個人認為有誤導人之嫌！ 食物質素真係非常一般，魚生唔夠凍，熱食就係凍嘅，份量得嗰少少，但係價錢比市面貴兩三倍，譬如一個鍋得幾條菜再加少少魚等等，同我對「海鮮鍋」既理解有唔同，仲要收二百幾蚊。 最頂唔順嘅就係每當我地考慮緊點某一碟菜嘅時候，侍應就會不斷干擾，推介過另一樣餸，但係價錢可能貴三四倍。例如我哋想叫帶子壽司，侍應就叫我哋叫鐵板帶子，好彩問一問價錢先，否則就中招。最後埋單每個人接近$500，非常不滿，好似未試過咁差嘅日本餐廳，一定冇下次。見到餐廳週末晚上都入座率低，我唔覺得出奇了。