Video
Read full review
2021-07-12
58 views
疫情期間想離開香港都難，朋友話想試吓呢間西班牙菜，當去咗旅行🤣入到餐廳見到牆身掛咗一幅好大嘅西班牙街道嘅畫，另一邊牆身放滿左唔同嘅紅酒，充滿異國風情。一打開個餐牌我哋樣樣都想食，最後叫咗三樣前菜、小食，同埋五樣主菜🤪首先，呢個傳統醃八爪魚配香檳醋甜椒有橄欖、青椒、紅椒、黃椒、洋蔥等等嘅蔬菜，加上香檳醋配橄欖嘅味道清新，酸酸地好開胃。生蠔肥美，鮮味濃郁，淡淡嘅甘甜，唔會太咸/太大陣海水味。西班牙燴蜆伴檸檬橄欖油真係冇得彈！佢哋嘅蜆係每一粒都非常大隻同肥美，我哋都話從來未食過咁好既蜆！絕無誇張！完全冇沙！橄欖油帶出勁鮮味！！豬手就食得多啦，呢度竟然有鹹蛋黃豬手，因為本人勁鍾意食鹹蛋黃，豬手配埋歌蛋黃醬真係冇得頂，勁香口！都有配濃郁芥末醬同淡酸味芥末醬。特色烤乳豬配秘製醬汁，旁邊仲有蘋果蓉，乳豬外皮香脆，肉質嫩滑。燒比目魚配原隻大蝦啱晒啲食唔到有魚刺既人，比目魚燒完一啲都唔乾，仲有啲肉汁鎖住系魚入面。隻大蝦成隻手掌咁長，肉質彈牙。食西班牙菜又點少得西班牙海鮮飯，之前去西班牙食海鮮飯都偏硬身，呢度嘅飯較為軟身，比較適合香港人口味。海鮮飯入邊嘅海鮮都好高質，真正有質素嘅海鮮飯。飲品方便我就叫咗一
疫情期間想離開香港都難，朋友話想試吓呢間西班牙菜，當去咗旅行🤣入到餐廳見到牆身掛咗一幅好大嘅西班牙街道嘅畫，另一邊牆身放滿左唔同嘅紅酒，充滿異國風情。
一打開個餐牌我哋樣樣都想食，最後叫咗三樣前菜、小食，同埋五樣主菜🤪
首先，呢個傳統醃八爪魚配香檳醋甜椒有橄欖、青椒、紅椒、黃椒、洋蔥等等嘅蔬菜，加上香檳醋配橄欖嘅味道清新，酸酸地好開胃。
生蠔肥美，鮮味濃郁，淡淡嘅甘甜，唔會太咸/太大陣海水味。
西班牙燴蜆伴檸檬橄欖油真係冇得彈！佢哋嘅蜆係每一粒都非常大隻同肥美，我哋都話從來未食過咁好既蜆！絕無誇張！完全冇沙！橄欖油帶出勁鮮味！！
豬手就食得多啦，呢度竟然有鹹蛋黃豬手，因為本人勁鍾意食鹹蛋黃，豬手配埋歌蛋黃醬真係冇得頂，勁香口！都有配濃郁芥末醬同淡酸味芥末醬。
特色烤乳豬配秘製醬汁，旁邊仲有蘋果蓉，乳豬外皮香脆，肉質嫩滑。
燒比目魚配原隻大蝦啱晒啲食唔到有魚刺既人，比目魚燒完一啲都唔乾，仲有啲肉汁鎖住系魚入面。隻大蝦成隻手掌咁長，肉質彈牙。
食西班牙菜又點少得西班牙海鮮飯，之前去西班牙食海鮮飯都偏硬身，呢度嘅飯較為軟身，比較適合香港人口味。海鮮飯入邊嘅海鮮都好高質，真正有質素嘅海鮮飯。
飲品方便我就叫咗一杯Peach green tea，咁啱餐廳暫時冇奶蓋供應，不過冇咗奶蓋更加清楚飲到桃嘅香味。
總括而言，呢間西班牙菜絕對值得一試！我相信我哋好快又會再嚟食！
Post
