Video
Read full review
2024-12-14
0 views
呢間唔係一般嘅印度菜，更加刷新咗我對印度菜嘅既定味蕾！有冇諗過naan 🫓 但變身成pizza 🍕 ；butter chicken 但配上pasta 🍝 ？ 🇮🇳 X 🇮🇹 fusion既新穎又出奇地配搭，而且西式做法令到傳統嘅印度名菜相對更加易入口，好值得一試。Chicken Tikka naanza厚批、薄批、酸種批底都食過，但係印度薄餅就真係未試過！呢個饢披薩係用上咗naan做批底，再將佢烤到酥脆，撒上咗印式調味嘅雞肉同埋各種蔬菜，醬汁微辣但係超級濃郁。Prawn masala Fettuccine呢款印度式意粉就用上咗印度好出名嘅馬薩拉醬，蝦肉份量可以用海量嚟形容，基本上每一啖意粉，都可以配上到兩三隻蝦。但係可能因為佢哋加上咗辣椒碎，所以都有少少辣，怕辣嘅人士可以喺落單之前講聲唔好再加辣椒，又或者嗌另一款Butter Chicken pasta。另外食印度菜又點可以唔嗌Mango Lassi！呢款嘢飲好似得係印度餐廳有得飲，味道就好似楊枝甘露但係冇晒啲配料，有啲似芒果沙冰。最特別嘅係佢哋加上咗新鮮嘅芒果粒同埋小小嘅開心果碎，所以飲到最後仲有果肉同埋脆卜卜嘅口感添！食到最後，我
呢間唔係一般嘅印度菜，更加刷新咗我對印度菜嘅既定味蕾！有冇諗過naan 🫓 但變身成pizza 🍕 ；butter chicken 但配上pasta 🍝 ？ 🇮🇳 X 🇮🇹 fusion既新穎又出奇地配搭，而且西式做法令到傳統嘅印度名菜相對更加易入口，好值得一試。
Chicken Tikka naanza
厚批、薄批、酸種批底都食過，但係印度薄餅就真係未試過！呢個饢披薩係用上咗naan做批底，再將佢烤到酥脆，撒上咗印式調味嘅雞肉同埋各種蔬菜，醬汁微辣但係超級濃郁。
Prawn masala Fettuccine
呢款印度式意粉就用上咗印度好出名嘅馬薩拉醬，蝦肉份量可以用海量嚟形容，基本上每一啖意粉，都可以配上到兩三隻蝦。但係可能因為佢哋加上咗辣椒碎，所以都有少少辣，怕辣嘅人士可以喺落單之前講聲唔好再加辣椒，又或者嗌另一款Butter Chicken pasta。
另外食印度菜又點可以唔嗌Mango Lassi！呢款嘢飲好似得係印度餐廳有得飲，味道就好似楊枝甘露但係冇晒啲配料，有啲似芒果沙冰。最特別嘅係佢哋加上咗新鮮嘅芒果粒同埋小小嘅開心果碎，所以飲到最後仲有果肉同埋脆卜卜嘅口感添！
食到最後，我哋仲額外加在一份naan去沾啲醬汁食，最後食到一滴醬都冇剩🤌🏻
Post
