梨滿園韓國料理 (Closed)

天氣開始轉涼，尤其是呢幾日就特別凍，除咗打邊爐之外，其實韓燒都係一個唔錯嘅選擇，都係可以對住個熱辣辣爐。我特別中意你喺呢度食韓燒嘅原因，係佢嘅食物質素非常之好，尤其是我好鍾意食嘅帶子，全部都大大粒又夠厚身，咬落去有肉感，正。仲有大大隻嘅虎蝦，一隻虎蝦嘅長度起碼有我個手掌咁大，食落去啖啖都係肉，有啲總會有蝦膏添。仲有每一次都必點嘅呢一個牛肋骨肉，一片大大片嘅，係由一舊牛肋骨切開，佢嘅肉汁同埋脂肪嘅分布非常之好，食落去之後佢嘅肉質韌度剛好，而且仲有好濃烈嘅牛香味，千祈唔好錯過。除咗燒烤之外，呢個生拌牛肉都係我嘅最愛，每一次去到韓國我都一定會食架。我特別鍾意係佢嘅牛肉再拌上雪梨，本身生果同肉係唔同嘅組合，好似會怪怪的，但係估唔到呢兩者配合上非常之突出。冬天就話可以食下韓燒，如果夏天真係唔鍾意食，覺得熱辣辣嘅話。呢度淨係食韓式嘅小菜都會有好多唔同嘅選擇，仲會有二人或者四人套餐選擇tim。