星廚 (Closed)

呢排ig個個都po星廚既極巨鹹豬手，人人都話又大又平又好味，我呢啲唔只要睇想，當然要黎食下係咪真係咁得。雞翼炸得香脆冇油膩感，肉質依然滑溜，食落有啲胡椒同香草醃製。芝士焗蟹蓋小食黎講唔錯，脹卜卜既蟹蓋，裡面滿滿蟹肉同煙肉非常惹味，芝士亦唔膩味。星廚處理好鹹豬手，逼出多餘油脂，外皮酥脆。豬手肉汁全鎖係裡面，一口脆皮，一口肉，再沾上少少芥茉醬，黑醋同自家醃製酸#椰菜，一邊咀嚼於口腔中，慢慢滲透出隱約既油香。酸菜釋出淡淡酸味，適當地消除膩味感。鹹豬手非常易切，咁就知佢啲肉幾咁嫩~ 鮮粉色既鹹豬手肉好誘人呢! 焦糖燉蛋口感滑順，蛋香冇想像中咁明顯，亦唔算太甜，薄脆焦糖較薄弱，不過不失，如果可以燒得更焦脆會更好。意大利奶凍相當唔錯，入口即溶，絲滑無比，而且雲呢拿味濃厚。老闆話奶凍之所以咁滑，全因落左100%忌廉，唔似一般店落3成牛奶，7成鮮奶。我又好奇問老闆豬手係咪招牌，因為好多人都叫豬手，老闆話豬手唔係呢度招牌，反而豬扒果啲先係~ 佢都唔知點解咁多人叫豬手😂我話我都係上網見到好多人叫先黎試下🙊