蝦麵店 (荃新天地) (Closed)

難得起香港有馬拉野食，平時真係好小見，即管試下馬拉特色有乜咁特別。叫左個二人餐，多個選擇任你配搭，有齊小食，主菜，甜品，飲品，啱哂有選擇困難症既我🤣🤣小食就揀左五香滷肉配一口脆豆腐，馬來香脆雞翼，馬來沙嗲雞脾肉串。脆豆腐名副其實，真係好脆！估唔到一舊豆腐都可以炸到好似薯片咁脆！雞肉串同雞翼都醃得好入味，值得一提係雞翼外脆內香，高水準！五香滷肉既口感就比較特別，有啲似春卷咁紮實，證明滷肉既份量都好足。脆香魚皮水準同超市買到既差天共地，又脆又大塊，浸過湯依然不失佢本身既香，正！咖哩叻沙蝦肉肉片配檬粉配料相當充足，叻沙湯底頗濃郁，檬粉份量都無偷工減料，值得一試豬骨雞湯魚片四寶雖然清清地，但麵底同配料非常充足，醫肚一流！甜品有榴槤咖央多士同埋桔子香茅凍。榴槤多士既配搭都幾新鮮，榴槤味好香，多士都好脆。個啫喱有好重既香茅同桔好重，啫喱本身都好彈，兩個甜品一冷一熱，好滿足！