Video
Read full review
2015-07-19
1391 views
新嘅食店係荃灣開完一間又一間，簡直係飲食界嘅一級戰區之一。食厭左韓式,日式,台式野，貪新鮮嚟新開嘅Mee食下區内少有嘅星馬菜。中午嚟到，全場已經爆滿，店鋪細細間，用盡所有空間放置座位，少少迫，但可以接受。午時有Lunch set，包飲品一杯。揀左一個鹵麵同香矛椰汁脆皮雞椰漿飯。鹵麵選擇左粿條同板麵。有滲滲哩個兩溝選擇真係令人滿意，至啱一心想左試試右試試嘅顧客。粗身粿條較為軟，個人喜歡硬一點。板麵係幼身河粉，夠哂滑，不錯。食湯先係一向食麵嘅習慣，湯絕對可以決定一碗麵嘅生死。湯帶有甜甜嘅鹵水味，但一點都唔鹹唔油，味道恰到好處，令人驚喜，可以飲完一啖又一啖。配有鹵蛋,腩肉,鹵豆腐同鹵鴨掌。幸好腩肉不算太肥，肥肉瘦肉隔住一層層，肥肉有少少彈性，唔會咬落口一啖豬油膏咁，女生都可以接受。椰漿飯就唔係好食到椰漿味，口感有少少似較為軟身嘅糯米飯。脆皮雞炸得香脆而不油，味道確係有别於韓式台式炸雞。炸雞同香矛椰汁幾夾，清清地嘅椰汁同炸雞嘅配搭夠哂夏日。汁亦俾得夠，滿足到喜愛撈汁食飯嘅港人。雖然夏人炎炎，但個人認為熱飲先可以試出拉茶嘅真味。馬來拉茶就如今餐一樣無令人失望，首先會有一陣奶茶嘅感覺，之後味蕾開始
揀左一個鹵麵同香矛椰汁脆皮雞椰漿飯。鹵麵選擇左粿條同板麵。有滲滲哩個兩溝選擇真係令人滿意，至啱一心想左試試右試試嘅顧客。粗身粿條較為軟，個人喜歡硬一點。板麵係幼身河粉，夠哂滑，不錯。
食湯先係一向食麵嘅習慣，湯絕對可以決定一碗麵嘅生死。湯帶有甜甜嘅鹵水味，但一點都唔鹹唔油，味道恰到好處，令人驚喜，可以飲完一啖又一啖。配有鹵蛋,腩肉,鹵豆腐同鹵鴨掌。幸好腩肉不算太肥，肥肉瘦肉隔住一層層，肥肉有少少彈性，唔會咬落口一啖豬油膏咁，女生都可以接受。
椰漿飯就唔係好食到椰漿味，口感有少少似較為軟身嘅糯米飯。脆皮雞炸得香脆而不油，味道確係有别於韓式台式炸雞。炸雞同香矛椰汁幾夾，清清地嘅椰汁同炸雞嘅配搭夠哂夏日。汁亦俾得夠，滿足到喜愛撈汁食飯嘅港人。
雖然夏人炎炎，但個人認為熱飲先可以試出拉茶嘅真味。馬來拉茶就如今餐一樣無令人失望，首先會有一陣奶茶嘅感覺，之後味蕾開始感受到一陣好清香嘅香草茶葉味，而且甜度調較得十分好，奶香茶香都飲到。
加$8轉嘅凍白咖啡就較為失色。一大杯有份量，但加得太多冰，沖淡左咖啡味，咖啡味亦中規中矩。Mee絕對會再嚟試下其他食物。麵食同熱飲都較為出色。始終係荃灣區内有質素嘅星馬菜都較少，相信小店Mee亦可以係戰埸站穩。
Post
