Video
Read full review
2024-03-16
2294 views
有一日碌社交平台見到有間日式燒肉店做緊$10啤酒同半價Sake既promotion，即刻俾佢吸引咗😂 膽粗粗問吓佢地可唔可以帶狗，點知可以喎！原來燒肉店老闆都係愛狗人士，養咗一隻11歲嘅Poodle，仲要係努力抗緊癌嘅小朋友😢於是就同老闆相約，帶埋我既閨蜜，我隻波波，喺舖頭少人啲嘅時間嚟食飯🫶舖頭位於佐敦，好近地鐵站超方便。舖頭好大，仲要有一間坐到八個人嘅房仔，約客食飯都好方便，仲要免切餅費同開瓶費！呢個好重要！老闆好細心，準備咗一張毛巾鋪喺凳度比波波坐，又請佢食零食🥰 我哋一邊飲住啤酒, 食住前菜(牛蒡漬, 韓風泡菜, 螢光魷魚)一邊玩狗講狗經好正😂 到波波settle down冇咁激動嘅時候, 我哋就上主菜啦！燒肉呢家嘢我真係唔在行，所以今日嘅Menu就交俾老闆決定啦！✨美國Prime牛角切 $188✨A5阿久根和牛 $188✨和牛三筋肉 $238✨牛利（厚切）$198✨(爐）燒原條茄子 $82✨特大緬甸虎蝦2隻 $260我想講佢全部嘢都好好食，係食得出真材實料。全部肉都好有肉味，冇筋，肉質鮮嫩多汁，真係冇誇張。最鍾意係老闆上菜嘅鋪排，由冇咁肥嘅牛角切開始，然後到比較多油脂、入口即
舖頭位於佐敦，好近地鐵站超方便。舖頭好大，仲要有一間坐到八個人嘅房仔，約客食飯都好方便，仲要免切餅費同開瓶費！呢個好重要！
老闆好細心，準備咗一張毛巾鋪喺凳度比波波坐，又請佢食零食🥰 我哋一邊飲住啤酒, 食住前菜(牛蒡漬, 韓風泡菜, 螢光魷魚)一邊玩狗講狗經好正😂 到波波settle down冇咁激動嘅時候, 我哋就上主菜啦！燒肉呢家嘢我真係唔在行，所以今日嘅Menu就交俾老闆決定啦！
✨美國Prime牛角切 $188
✨A5阿久根和牛 $188
✨和牛三筋肉 $238
✨牛利（厚切）$198
✨(爐）燒原條茄子 $82
✨特大緬甸虎蝦2隻 $260
阿久根和牛
$188
19 views
0 likes
0 comments
10 views
0 likes
0 comments
燒茄子
$82
5 views
0 likes
0 comments
特大緬甸虎蝦
$260
8 views
0 likes
0 comments
7 views
0 likes
0 comments
除咗食物嘅質素，老闆仲要好有耐性咁一路燒一路講解肉嘅部位同食材嘅來源，仲要教埋我哋燒肉嘅技巧，老闆教路完之後我都燒到外脆內嫩嘅效果😁
喺2月29日呢個咁特別嘅日子，可以帶住波波，同認識咗10年嘅閨蜜，黎到環境雅致、氣氛十足的日式燒肉店，認識到愛狗嘅老闆，品嚐到高質嘅燒肉，諗返起成件事都好浪漫🌹
無論你有冇養狗都好，真心推介俾大家~
一齊支持本地小店💪🏼
而家餐廳做緊好多優惠:
🌟 啤酒Asahi/Sapporo $10/支
🌟清酒Sake 半價
🌟逢日至四 晚市 8折優惠
🌟逢五 六 晚市 9折優惠
Post
