Video
Read full review
2024-09-06
284 views
文青Cafe大家就聽得多，文青茶館又唔知大家有冇聽過，最近係紅磡就開咗一間非常罕見既文青茶館，由門面到內裏裝修佈置都好著重木系舒適風，有淡淡的茶香一聽茶館就可能浮現比較老派茶道好莊重既感覺，呢度就主打輕鬆享受音樂同埋茶道文化，茶既種類相當多，清茶就有白茶、綠茶、紅茶同埋烏龍茶等等除咗清茶，呢度仲提供奶茶、茶咖、氣泡茶同埋特調茶，花樣相當多；係食物方面就相對簡單，有3款菜飯套餐跟配雞翼、雜菌臘腸或者鰻魚，加上甜點有糯香銀耳羹埋迷你林明頓蛋糕雞翼菜飯套餐 $85飯餐份量都算大，有齊主菜雞翼配上健康既菜飯，雞翼應該有滷過幾入味，表面簡單煎過加埋芝麻有點香脆，菜飯有調味過唔會太單調旁邊配菜係黃桃小蕃茄，餐飲有4款選擇都係唔同既清茶，今次揀咗茉莉白芽，花香同茶香混和得好好安吉白茶 $88完整一壺既清茶好適合黎一邊做野或者傾計一邊飲，可以揀冷或者熱，冷飲拎上黎已經覺得好靚，清澈既玻璃壺內有純淨既安吉白茶，配有升高咗個底既冰茶杯同埋小零食，仲有張介紹小卡安吉白茶屬於綠茶，帶有蘭花板栗香氣，口感具有鮮爽清甜特色，小卡仲介紹埋點樣泡製最好，黎飲茶仲學到野開心果mini林明頓 $40茶食搭配素有甜配綠、酸
一聽茶館就可能浮現比較老派茶道好莊重既感覺，呢度就主打輕鬆享受音樂同埋茶道文化，茶既種類相當多，清茶就有白茶、綠茶、紅茶同埋烏龍茶等等
除咗清茶，呢度仲提供奶茶、茶咖、氣泡茶同埋特調茶，花樣相當多；係食物方面就相對簡單，有3款菜飯套餐跟配雞翼、雜菌臘腸或者鰻魚，加上甜點有糯香銀耳羹埋迷你林明頓蛋糕
雞翼菜飯套餐 $85
飯餐份量都算大，有齊主菜雞翼配上健康既菜飯，雞翼應該有滷過幾入味，表面簡單煎過加埋芝麻有點香脆，菜飯有調味過唔會太單調
旁邊配菜係黃桃小蕃茄，餐飲有4款選擇都係唔同既清茶，今次揀咗茉莉白芽，花香同茶香混和得好好
安吉白茶 $88
完整一壺既清茶好適合黎一邊做野或者傾計一邊飲，可以揀冷或者熱，冷飲拎上黎已經覺得好靚，清澈既玻璃壺內有純淨既安吉白茶，配有升高咗個底既冰茶杯同埋小零食，仲有張介紹小卡
安吉白茶屬於綠茶，帶有蘭花板栗香氣，口感具有鮮爽清甜特色，小卡仲介紹埋點樣泡製最好，黎飲茶仲學到野
開心果mini林明頓 $40
茶食搭配素有甜配綠、酸配紅、瓜子配烏龍的說法，所以點了清茶後馬上去甜點櫃看一看今天的款式，新開期限有5款口味的迷你林明頓，今天供應桂花烏龍、朱古力和開心果，選了最近大熱的開心果口味，入口有特別果仁味道，口感上有點咬口，甜而不膩配綠茶真係好正
糯香銀耳羹 $25
餐廳新張期仲有活動，只要打卡share就送自家製糖水，呢碗糯香銀耳羹清甜滋潤，入面仲有普洱茶凍，好有茶館特色
Post
