Video
Read full review
2023-08-03
475 views
聽朋友講尖沙咀有間食韓國嘢嘅餐廳係正宗韓國人開，仲要有戶外環境做到好似韓國街邊嘅餐廳咁，再加上食物味道同埋賣相都唔差一如既往好似韓國餐廳咁，坐低之後就會有前菜小食俾你，有醃製蓮藕，西蘭花同埋豆乾，最重要嘅泡菜當然唔少得啦呢度係QR code落單嘅，所以唔需要怕要同店員講英文😁醬油蟹超耐冇食過醬油蟹嘅，我當然一定要叫，呢度嘅海鮮非常新鮮，所以醬油蟹完全可以食得出佢嘅鮮味，因為朋友麻麻哋，所以我都係叫咗一隻，佢一隻都會配埋碗飯俾你，一路食一路感受到醬油蟹嘅滋味，亦都一路見到廚房不斷出醬油蟹蝦嘅拼盤出嚟，可想言之佢哋嘅招牌菜應該都係醬油蟹，值得試吓50 cm韓國海鮮鍋呢一道菜都見到好多客人叫，最得意嘅鍋就係長方形，然後裏面鋪滿晒海鮮，辣辣嘅湯底令到每一款海鮮都好入味，有青口，蟹，鮮蝦，扇貝，鮑魚，魷魚等等，份量都足夠兩個人食用，而且佢仲會配埋個麵條，淨係食呢個都已經夠飽今次因為我哋只係得兩個人，所以食量唔大，叫嘅款式就會少啲，下次可以叫一大班朋友一齊過嚟食，因為佢哋仲有韓式燒烤，炸雞等等招牌菜都想試吓
聽朋友講尖沙咀有間食韓國嘢嘅餐廳係正宗韓國人開，仲要有戶外環境做到好似韓國街邊嘅餐廳咁，再加上食物味道同埋賣相都唔差
一如既往好似韓國餐廳咁，坐低之後就會有前菜小食俾你，有醃製蓮藕，西蘭花同埋豆乾，最重要嘅泡菜當然唔少得啦
呢度係QR code落單嘅，所以唔需要怕要同店員講英文😁
醬油蟹
超耐冇食過醬油蟹嘅，我當然一定要叫，呢度嘅海鮮非常新鮮，所以醬油蟹完全可以食得出佢嘅鮮味，因為朋友麻麻哋，所以我都係叫咗一隻，佢一隻都會配埋碗飯俾你，一路食一路感受到醬油蟹嘅滋味，亦都一路見到廚房不斷出醬油蟹蝦嘅拼盤出嚟，可想言之佢哋嘅招牌菜應該都係醬油蟹，值得試吓
50 cm韓國海鮮鍋
呢一道菜都見到好多客人叫，最得意嘅鍋就係長方形，然後裏面鋪滿晒海鮮，辣辣嘅湯底令到每一款海鮮都好入味，有青口，蟹，鮮蝦，扇貝，鮑魚，魷魚等等，份量都足夠兩個人食用，而且佢仲會配埋個麵條，淨係食呢個都已經夠飽
今次因為我哋只係得兩個人，所以食量唔大，叫嘅款式就會少啲，下次可以叫一大班朋友一齊過嚟食，因為佢哋仲有韓式燒烤，炸雞等等招牌菜都想試吓
Post
