黑木亭居酒屋 (金馬倫道)

今日黎到尖沙咀呢間居酒屋，餐廳既裝潢有濃濃既日本風味，感覺真係好似去左日本咁。座位方面，大多數都係卡位，空間感好足夠，最啱同一大班朋友黎聚會。✨石板A5宮畸和牛厚切見到今個月做緊特價$388就叫左黎試下。上菜既時候下面放左乾冰，超多仙氣湧出黎，好啱打卡！塊和牛扒都幾厚，而石板夠熱，做到外熟內嫩既效果。入口充滿油脂同肉汁，除左燒汁外仲有牛油蒜蓉汁，牛油蒜蓉汁甜甜地但勁香口，用黎點和牛食一流！✨鐵板照燒三文魚頭份量超大，除左大大個三文魚頭之外，仲有三文魚鮫，好多肉食。而煮法就類似汁煮咁，味道甜甜地，魚肉吸收哂醬汁入味，而配菜冬菇、大根等都索哂啲汁，勁好食！✨帶子海膽青瓜卷每件都有一舊帶子刺身，超厚肉！帶子輕輕咁炙燒過，軟滑鮮甜，而海膽夠新鮮，同埋香氣濃郁，入口即溶。而青瓜爽脆，令成個卷物更有層次！✨天婦羅茄子田樂燒外層好脆，炸槳唔算好厚，而茄子入面KEEP到好juicy軟滑，加埋甜甜地既sauce，比平時既天婦羅更惹味。