浪人日本料理 (Closed)

呢晚同朋友嚟食日本菜，餐廳空間感十足，而且好有日本風味，令人感覺置身日本。乳酸飲品同橙汁都普通冇驚喜。枝豆夠淋，少少咸，幾開胃。軟殻蟹沙律上面既軟殻蟹大大件好厚肉，仲好鮮味，加上大量新鮮沙律菜，好好食。各款壽司都非常新鮮好吸引。海膽creamy又鮮甜，牧丹蝦唔會有腥味，饅魚淋滑冇細骨，玉子燒亦都好嫩滑，唯一失色既系米飯太黏淋。燒帆立貝中間仲生，外面燒到剛熟，所以非常嫩滑鮮味，食完仲想encore!蔥蔥雞同蒜蒜雞都好嫩滑，但蔥味同蒜味都唔太突出。三文魚茶漬飯有淡淡既茶香，粒粒分明既米飯，鮮嫩既三文魚碎，再加埋香口既脆米、紫菜同芝麻，簡單又好食！估唔到日本餐廳既焦糖燉蛋咁好食，滑之餘蛋味仲好濃，令人食唔停口。蘋果雪芭就稍為甜左啲。呢餐日本菜食得滿意，環境服務都好，靜靜地唔會好嘈好多人，不失為日本菜既好選擇。