Video
Read full review
2016-11-28
1524 views
晨早接電話 原來朋友A話想去飲茶但本來茶腳甩左底 想我陪佢去飲過茶食個包我眼見放假 唯有同佢去飲個午茶 再做自己野啦點不知要到尖沙咀 我心諗飲茶都飲到去尖沙咀咁高端?! 朋友A話佢揀好耐先揀到呢間 唔好推佢咁話 好啦.......又唔遠 無所謂去到THE ONE 仲要18樓 點不知 一打開升降機門 我真係「嘩」左一聲估唔到有間咁靚既酒樓係到囉 星光處處感覺就係好似置身係銀河一樣 天花有星雲 地毯都係用上藍黑色配再配合埋一排既落地大玻璃窗 ......好舒暢!! 簡潔餐具 配合個環境 我醉了.....陶醉了一陣子 好吧 要點菜 因為連早餐都未食既我 隨時頭頂有星 餐具都用上比較高級的銀器 令到成個感覺都很GRAND 要知道 銀器多見於高級西餐廳 並且要經常打理保養維持反光度 避免氧化點心選擇多 由小食到甜品 一應俱全若以環境地段計 價錢都合理蝦餃平時都會點 但今次竟然crossover 黑松露睇見都流口水 蝦肉極之彈牙爽口 外表簿得黎唔會爛 通透非常加埋黑松露令到鮮味更加提昇而且松露仲大粒到咬得到 唔係加松露醬咁行龍蝦湯底鮮味好出 濃又稠度高 真料實料三件鮮竹卷 外面腐皮仍然有少許脆
但本來茶腳甩左底 想我陪佢去飲過茶食個包
我眼見放假 唯有同佢去飲個午茶 再做自己野啦
點不知要到尖沙咀 我心諗飲茶都飲到去尖沙咀咁高端?!
朋友A話佢揀好耐先揀到呢間 唔好推佢咁話 好啦.......又唔遠 無所謂
去到THE ONE 仲要18樓
點不知 一打開升降機門 我真係「嘩」左一聲
估唔到有間咁靚既酒樓係到囉 星光處處
感覺就係好似置身係銀河一樣 天花有星雲 地毯都係用上藍黑色配
再配合埋一排既落地大玻璃窗 ......好舒暢!!
簡潔餐具 配合個環境 我醉了.....
陶醉了一陣子 好吧 要點菜 因為連早餐都未食既我 隨時頭頂有星
餐具都用上比較高級的銀器 令到成個感覺都很GRAND
要知道 銀器多見於高級西餐廳 並且要經常打理保養
維持反光度 避免氧化
點心選擇多 由小食到甜品 一應俱全若以環境地段計 價錢都合理
蝦餃平時都會點 但今次竟然crossover 黑松露睇見都流口水
黑松露蝦餃王
$48
47 views
0 likes
0 comments
外表簿得黎唔會爛 通透非常
加埋黑松露令到鮮味更加提昇
而且松露仲大粒到咬得到 唔係加松露醬咁行
龍蝦湯鮮竹卷
$42
39 views
0 likes
0 comments
濃又稠度高 真料實料
三件鮮竹卷 外面腐皮仍然有少許脆口
即叫即整感覺係唔同啲
入面包住豬肉粒 木耳 不同既野菌
咬口層次都好突出 配合埋龍蝦湯 好味😬
黑松露野菌腸
$48
51 views
0 likes
0 comments
成日食肉不如食返菌類 又環保又有營養
一黎到 well!! 真係腸粉黎？ 反傳統得好別緻
有擺位有配菜 仲要好香松露味
咬落仲要係脆口 原來係將炸好既羅馬生菜夾係中間做分隔 多種口感 齒夾留香
蟹粉小籠包
$56
37 views
0 likes
0 comments
有分時三隻加埋咁既份量
蒸籠仔 別具一格 另一種格調
蟹粉十足 用料上乘 入口流出中高溫肉汁湯底
唔會熱得要吐 剛剛好 蟹羔充足 味道十足
紫菜日式長春卷
$34
45 views
0 likes
0 comments
雪茄咁大支既春卷 有別於平時見到既
佢長過支地筷子 方便你拎黎點沙律醬食用
香脆可口 入面有木耳豬肉蘿蔔絲等等 口感變化多 老少咸宜
煎釀蘿蔔糕
$48
29 views
0 likes
0 comments
類內似煎釀三寶做法 加左少少豬魚肉係面再拎去煎 煎到金黃色 吸引喇呱！！
蘿蔔糕本身都好重蘿蔔料 咬到有粒粒蘿蔔
質量高唔會好易散開 同釀肉好夾 一軟一硬
香脆外層帶出左本身既味道
講真 以環境論地段 我覺得值得回頭
可以同屋企假日黎飲個茶 又唔迫 又唔怕人撞人 況且樓下就已經有地鐵停車場 四通便利
Post
