羅麥記 (Closed)

難得同屋企人係銅鑼灣行完街, 於是一齊去試下裝潢十分懷舊冰室的羅麥記開餐。入面既格局都好有舊香港冰室的味道, 熱愛影相既老豆閃光不停。哈哈哈炒飯 - 顧名思義係有三種蝦材料, 包括蝦羔、蝦米同蝦球。個飯炒得算乾身, 好香口因為吸收唒蝦既精華, 愈食愈停唔到口。墨汁墨魚蘇 - 墨魚蘇一d都唔會“un”, 墨汁有少少辣, 不過辣得惹味, 抵贊既係份量都多。麥sir乳鴿仔 - 乳鴿燒得剛剛好, 肉質鮮嫰, 食到入口既時候都仲熱辣辣的, 好新鮮哦。另外一抵贊既地方就係咸度適中, 唔會食完勁口渇。芝味牛肉䓤油餅卷 - 芝士迷必食之選, 一咬開個卷芝士就會流心甘流出來, 非常邪惡。牛肉唔算太多, 但食左甘多其他肉所以都ok。個卷係用左類似手抓餅整既, 質感唔錯。