有蒸氣 海鮮石鍋專門店 (Closed)

呢日都係喺尖沙咀搵食，走過熱鬧的諾士佛臺，來到一條街之隔嘅天文臺圍，突然寧靜咗好多，今次係有朋友介紹來吃蒸氣火鍋，話呢度啲嘢勁新鮮好味喎，咁就要食過先知。話晒叫做冬天，所以有羊腩煲吃，之前吃蒸氣火鍋，底嗰層通常都係粥，今次試時令嘢～黑草羊腩煲，亦即係一邊蒸海鮮一邊煲緊黑草羊……嗌咗嗰『有蒸氣羊中寶套餐』，又係『殘廢餐』來㗎，靚女待應好熱心地幫手蒸，睇住時間，够鐘就揭蓋幫我哋分碟，因此我同朋友就多咗時間傾偈。個餐有海鮮，例如白雪雪，勁彈牙的紐西蘭蟶子，花甲，蟲草花大連鮑魚，有鲜甜海中蝦，日本元貝，又有薑葱海斑片，跟住就係冬天之寶～煲得好腍，入晒味又带有海鮮味嘅黑草羊腩，勁满足的一餐。