快樂小羊火鍋餐廳

Open Now

Now Closed

從球場就一路聞到好濃郁嘅羊肉火鍋味。覺得好香，好肚餓。朋友話我係狗鼻，用個鼻嚟帶路。我就當係讚美。可能因為疫情關係都無咩人打邊爐，而且餐廳啲位都隔得幾開。我地就點咗番茄湯鍋底，因為唔食得辣。呢度就無醬油提供，因為話唔洗點醬油都夠味。唔靠調味，先可確保到食材的新鮮度，食到原汁原味。羊肉我就最中意滑嫩太陽卷，個名起得幾得意，我想象係因為啲羊曬得太陽多，所以啲肉質就特別滑嫩。其他配料味道都不錯。我地就試埋熟食，點咗蒙氏烤串，好耐無食過燒烤。燒得好惹味，肥瘦均勻。