42
25
21
Level4
455
0
羊架唔好食
2005-09-13 19 views
二人晚飯, 星期五晚九點半先到, 都有八、九成滿, 晚飯時間可能要等位, 估唔到咁旺場.食物選擇好多, 我點左個羊架set, 餐湯揀左洋蔥湯, 唔錯, 不過主菜既羊架就麻麻, 我要五成熟, 上檯似熟晒, 羊肉呈白色, 味道同質地都唔得, 反而配菜既牛油炒莧菜幾好味. 甜品係個迷你雪糕筒, 無乜期望之下, 又覺得佢幾精緻, 起碼食得開心, 登時將個行貨雪糕球升格唔少. 個餐包一小杯紅酒同餐茶, 好似$98.友人就叫左個咖喱羊脾餐, 跟沙律、幾小塊薄餅同飯. 薄餅個樣又乾又硬, 飯就反而唔錯喎, 食果個都証實左係軟硬適中既. 落order時waitress問小辣定大辣, 友人穩陣地要左前者, 好彩, 因為都算幾辣, 不過亦幾香, 非一般茶餐廳既咖哩. 可惜羊脾得幾片, 有d孤寒. 餐飲指定係什麼印尼定印度特飲, 據報係椰汁冰之類的物體, 可以不理. 呢個餐好似係$78咁上下.其實食物水準一般, 勝在選擇多, 服務亦可以, 亦坐得舒服(呢點響太子旺角一帶黎講, 唔容易架). 不過個場黑得黎又嘈左少少, 有d怕呢種格局.
Read full review
二人晚飯, 星期五晚九點半先到, 都有八、九成滿, 晚飯時間可能要等位, 估唔到咁旺場.

食物選擇好多, 我點左個羊架set, 餐湯揀左洋蔥湯, 唔錯, 不過主菜既羊架就麻麻, 我要五成熟, 上檯似熟晒, 羊肉呈白色, 味道同質地都唔得, 反而配菜既牛油炒莧菜幾好味. 甜品係個迷你雪糕筒, 無乜期望之下, 又覺得佢幾精緻, 起碼食得開心, 登時將個行貨雪糕球升格唔少. 個餐包一小杯紅酒同餐茶, 好似$98.

友人就叫左個咖喱羊脾餐, 跟沙律、幾小塊薄餅同飯. 薄餅個樣又乾又硬, 飯就反而唔錯喎, 食果個都証實左係軟硬適中既. 落order時waitress問小辣定大辣, 友人穩陣地要左前者, 好彩, 因為都算幾辣, 不過亦幾香, 非一般茶餐廳既咖哩. 可惜羊脾得幾片, 有d孤寒. 餐飲指定係什麼印尼定印度特飲, 據報係椰汁冰之類的物體, 可以不理. 呢個餐好似係$78咁上下.

其實食物水準一般, 勝在選擇多, 服務亦可以, 亦坐得舒服(呢點響太子旺角一帶黎講, 唔容易架). 不過個場黑得黎又嘈左少少, 有d怕呢種格局.
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Spending Per Head
$95