米孜然 (Closed)

係ins見人分享炮台山美食，鍾意食羊既我決定試一試佢。襯今晚OT去左米孜然買外賣。米孜然的舖位比較細，經過好幾次都冇發現到呢度有間餐廳。舖頭入面有兩個位可以比人堂食。我叫左羊燥飯，$38包埋紙包飲品好抵。同事就叫左雞扒羊燥飯加粟米。我個羊燥飯好快就搞掂，等粟米烤好就可以。等的時候一直見佢燒緊唔同既串燒，仲有冬菇同肉，睇落都好正。最後先知原來佢一直燒緊果串係雞扒，即刻後悔剛剛冇叫雞扒。唔好睇個羊燥飯好似好細咁，其實好飽。羊燥既分量好多，完全唔怕食曬羊燥仲有飯剩。羊燥好好食，羊味好出，再加埋隻蛋簡直係冇得輸。加左孜然有少少辣幾好食，但應該係我呢d平時唔食辣的先會食到果陣微微的辣味。見到佢有個午餐優惠，下次中午想黎試埋個全羊宴，$60有羊燥飯同羊架，肯定好正。