Video
Read full review
2021-09-26
330 views
又去元朗覓食。今日嚟到一間專門食羊肉粉嘅貴州粉麵店。呢間店幾乎所有羊嘅刁鑽部位都有得賣，包括睪丸、鞭、腦、腰，甚至眼都有！但羊眼太可怕了，我就叫咗羊睪丸同羊鞭粉試下。羊睪丸切開一片片的，就咁睇真係睇唔出係睪丸，而係好似切咗片嘅雞腎咁嘅形狀。食落好腍，唔似食緊肉，因為冇乜肉嘅纖維感，係食到個椗嘅位就爽爽地。至於羊鞭，食落就好似牛孖筋咁，腍滑之中又充滿彈性同膠質，好似好多骨膠原咁，但就冇牛孖筋咁粘口。可能由於呢間店太專業，羊睪丸同羊鞭都處理得好好，一啲異味或者羶味都冇。我諗對於一啲唔敢食羊或者生殖內臟嘅人士，只要唔知呢啲係咩嚟，佢哋都會接受到，仲會覺得好好味。呢度嘅粉，其實係好腍滑嘅米線。而啲湯，可能係用羊肉或者羊骨煲嘅，超甜超好飲，完全飲唔出有味精，所以嚟食粉記得飲哂佢，唔好嘥！仲有，如果想食得地道啲，呢度每枱都有生蒜瓣提供。北方人鍾意一口生蒜一口粉麵咁食，食一啖好辣嘅生蒜 ，再啜一箸麵，未試過就試下，好爽架！仲有仲有，想鍾意食辣嘅朋友可以落單時加辣。想試少少辣又唔敢食太辣嘅朋友可以叫辣另上，咁就會用隻碟仔裝啲辣油畀你。據伙計講，呢度嘅辣椒油係店家自己炒，冇味精、冇防腐劑或添加劑，保證新
呢間店幾乎所有羊嘅刁鑽部位都有得賣，包括睪丸、鞭、腦、腰，甚至眼都有！
但羊眼太可怕了，我就叫咗羊睪丸同羊鞭粉試下。
羊睪丸切開一片片的，就咁睇真係睇唔出係睪丸，而係好似切咗片嘅雞腎咁嘅形狀。食落好腍，唔似食緊肉，因為冇乜肉嘅纖維感，係食到個椗嘅位就爽爽地。
至於羊鞭，食落就好似牛孖筋咁，腍滑之中又充滿彈性同膠質，好似好多骨膠原咁，但就冇牛孖筋咁粘口。
可能由於呢間店太專業，羊睪丸同羊鞭都處理得好好，一啲異味或者羶味都冇。我諗對於一啲唔敢食羊或者生殖內臟嘅人士，只要唔知呢啲係咩嚟，佢哋都會接受到，仲會覺得好好味。
呢度嘅粉，其實係好腍滑嘅米線。而啲湯，可能係用羊肉或者羊骨煲嘅，超甜超好飲，完全飲唔出有味精，所以嚟食粉記得飲哂佢，唔好嘥！仲有，如果想食得地道啲，呢度每枱都有生蒜瓣提供。北方人鍾意一口生蒜一口粉麵咁食，食一啖好辣嘅生蒜 ，再啜一箸麵，未試過就試下，好爽架！
仲有仲有，想鍾意食辣嘅朋友可以落單時加辣。想試少少辣又唔敢食太辣嘅朋友可以叫辣另上，咁就會用隻碟仔裝啲辣油畀你。據伙計講，呢度嘅辣椒油係店家自己炒，冇味精、冇防腐劑或添加劑，保證新鮮！而且好香，又唔係好辣，點少少，又係另一個層次，辣完個口，最後再飲埋羊肉湯，正！
Post
