貴州遵義黔營羊肉粉 (興旺大廈)

Open Now

Now Closed

叫店員落單，比面色你睇之如態度好差，仲話微信有得落單。我有微信就自己落左啦。之後落單落羊肉餃子問番我要咩餃佢話有幾款，大姐你餐牌剩係得羊肉炸餃或者湯餃我點知你有其他。態度差到冇朋友。

今天去元朗吃黔營羊肉粉。店舖很寬敞舒服很多位置不用排隊，，我們叫了羊雜粉和羊雜麵，羊肉面湯底十分清甜，手工面煙韌彈牙 我們還叫了一份牙籤羊肉和雞蛋餅，牙籤羊肉每一口都是一小塊美味的燒羊肉，每一口都充满了肉汁，肉質非常嫩滑，口感不乾身，讓人回味無窮 因為得我同媽媽只有兩個人，個單點既羊排就留番下次再試！最後發現，原來佢旺角新開分店既時候，我已經食過一次，2間店一樣水準，喜歡吃羊肉的推薦去試試

各位食友們，今日嚟到一家不得了嘅餐廳，真系意想不到嘅美味發現！先講講佢個「羊腩粉」，嗱，講真，啲羊腩嘅味好正，湯底出奇嘅清甜，啖啖肉又夠晒滑，仲帶少少那種過癮嘅羊腩膻味，簡直係羊腩愛好者嘅夢幻逸品！點上一個「羊肉蔥花餅」，哇嘞，嚟緊好戲！咬落去嘅時候，先係個香脆嘅餅皮襲嚟，然後個芝士味「wow」到你，雖然對芝士冇乜特別好感，但這次嘅搭配簡直係畀驚喜畀到我！當然，唔少得啲創意小吃，「牙籤羊肉」就係當中之一，咁樣一小串一小串食起上嚟又方便又惹味，啖啖肉嘅享受真系讓人停唔到口。抵讚👍嘅係，哩間嘅分店都係滿滿嘅誠意，下次去到旺角，一定要再去試吓，睇下佢哋係咪一樣保持高水準。哩次食完，我真系肚满足滿，心情都好得嚟！🥳🌟🍽

吃了好幾次了，也經常外賣了。環境不錯的。就是店員説不提供WiFi密碼，説她們自己用都很慢！！這個店明明有兩個WiFi，我想肯定有一個是老闆提供給客戶用的！！這一點差評！！

係元朗經過呢間羊肉店幾吸引，小朋友又話想食就入去試下🫣餐廳好光猛闊落，一入店就聞到羊羶味，但食物食落無乜羊羶味反而香香的感覺不錯耶～🤭◂ ◂ ◂ ◂ ◂ ✐☡ ▸ ▸ ▸ ▸ ▸▸ 牙籤羊肉一口一小塊燒羊肉，肉質嫩唔太乾身食落有肉汁▸ 羊肉蔥花卷外皮軟軟的餡料有唔少，羊肉非常軟嫩油香有入口即溶感🤤，可惜略偏油膩▸ 羊肉麵湯底好清甜完全無羊羶味👍🏻啖啖羊肉軟嫩易咬唔粘牙，加上手工麵夠晒煙韌彈牙▸ 羊腩湯飯湯底一樣清甜配上大碗白飯食好滋味，羊腩鮮香肥瘦適中有咬口▸ 咸檸七柑橘好腍一壓就爛又夠咸，加埋冰涼七喜爽！▸ 竹蔗茅根鴻福堂枝裝飲，偏甜

今日咁啱出元朗買嘢，路過見到呢間全羊肉店，心裡想既然系全羊店就唔會差得去邊，就入去歎個羊lunch，兩人叫左羊腩粉 （$55） 羊雜粉（$52），羊排細份（$88）。 一見到個份量已經o咀，羊腩系5粒，系勁細粒，細過手指公，仲要有粒系根骨。羊羊雜又少又碎，兩個湯底都系普通清湯，0羊味，最神奇系羊腩同羊雜都系冇羊騷味。跟住個羊排一上就跟確定以後唔會再幫親呢間野，細份到你唔信，仲要好似系煮完湯ge羊小排，得ddddddd羊騷味。食地食完食晒可以系唔夠飽，要去隔離再食多餐，btw 呢間野只收現金

有冇羊肉控喺身邊？我哋兩姊妹勁鍾意食羊🐏最近係元朗食咗間都唔錯，佢哋仲有幾間分店📍秘製羊扒（$88/小）羊扒香脆外皮肉香細嫩🐏加上大量孜然粉非常香口🤤📍羊肉蔥花卷（$45）蔥花卷幾乎每枱都叫！酥脆嘅手抓餅中間夾住惹味羊肉羊肉軟腍之餘帶有煙韌嘅筋膜，勁好食😍📍羊肉粉（$50）羊肉薄切唔雖嚡口，不過相對其餘2款就普通咗啲

天氣轉涼 ，本來想食串燒， 食飯時間七點半， 行過見到有間羊肉店，幾香咁又有串燒手抓羊等， 就入去試下。叫咗羊肉雜湯羊肉麵六串燒羊肉一份細嘅手抓羊羊肉雜湯，羊肉麵， 味道都ok 鍾意羊肉比較騷應該都覺吸引 ，但係羊肉比較少，同好薄一片， 仲薄過打邊爐啲肥牛好多， 得幾片。手抓羊大大舊，但得兩舊， 88蚊嚟講， 真係貴咗啲， 味道還好。羊肉串燒18蚊一串， 5吋長， 細細粒一吋， 唔抵到一個點，燒得又唔夠香。食物普通， 價錢貴 份量少， 性價比低。p.s. 食完我哋兩個人都覺得好口渴

意外驚喜。本身想食同一條街既另一餐廳, 但去到又細(得兩張枱, 一張出面一張入面), 又要等位, 望一望menu, 都唔平。係如此酷熱既天氣之下, 果斷決定走人。 向前行少少, 就意外地發現呢間餐廳。可能因為岩岩過左lunch hour, 又係公眾假期, 所以唔洗等位。不過本身入面都好大, 冷氣又足, 抵讚。一打開門, 一陣羊味湧出黎, 心諗"就是這個味!"叫左一個羊腩湯粉, 羊肉蔥花餅同一個牙籤羊肉。個湯好好飲, 羊腩又軟又入味。羊肉蔥花餅有芝士, 而且好重芝士味, 如果唔食芝士既人未必頂得順 (我就係唔多愛好芝士既一個人)。第一啖覺得, 哇, 好芝士。但第二啖又覺得, 其實件事係夾既。個牙籤羊肉係羊肉版既一口牛, 好惹味。因為得我同太太兩個人, 個單點既羊排就留番下次再試。最後發現, 原來佢北角新開分店既時候, 我已經食過一次。然後旺角都仲有分店, 所以決定下次去旺角都試下有冇一樣水準。

味道依然，但份量就比以前差好遠，唔抵食！以前叫過嚟食，份量係而家嘅一倍，起碼有啖肉食。今日叫咗羊肉棒見到得枝骨，唔知好嬲定好笑，問個職員佢話來貨係咁就咁上俾我哋，我話餐廳唔係應該控制來貨品質，如果得枝骨係咪應該仲買俾客人呢？咁樣收$88真係覺得啲客唔會詐型😡，最後佢送多一串$18嘅羊肉補數⋯⋯但我以後都唔會再叫呢個羊肉棒。 見到個職員，因為一個伯伯落錯單掛，人哋詢問佢嘅時候都好聲好氣，只不過係想換返啱嘅嘢食，佢哋唔想換。最後呢個職員話伯伯「文盲」，伯伯氣憤而走，所以對呢間舖頭大失所望

羊肉粉- 湯底味道濃，不會太鹹，可揀辣度很適合一啖湯加一淡粉咁食。粉嘅質地有啲似瀨粉，但冇瀨粉咁爽口，粉的份量足夠。- 羊肉是薄切，食落似肥牛，不會很羶，份量略為太少。- 配料有芫茜和蔥，如果配料多啲會更好。- 環境算闊落，坐得舒服，上菜速度算快。- 價錢略為貴點，其他小食和主食都偏貴。

元朗食個午餐，行過一間專食羊肉嘅專門店，聽講比較出名；咁入到去食個晏！坐落亦都覺得好闊落，不過真係好有大陸feel，好似去咗大陸一樣，估唔到要掃嗰個二維碼呢到落單，都要用微信或者支付寶應用先至可以掃到個二維碼，最初唔知掃唔到，阿姐就話掃到；最後都係阿姐幫我哋落單，簡單嘅叫咗幾樣嘢食！羊肉夾饃，外脆內滿是羊肉，真係羊肉愛好者嘅不二之選！牙籤羊肉亦都好淋好有味，真係不愧為羊肉專門店；酸辣米線就普普通通，嗰啲所謂嘅米線同我哋食開嘅完全唔一樣，食落有少少似芋絲，比較煙韌記得咀嚼多啲，因為感覺極之難消化！咁送羊肉最好就係用啤酒啦，青島啤酒夠曬冰喇！總括來說食物不錯，但服務就真係普通！仲要只收現金，八達通完全唔可以用，連支付寶，微支付都唔可以用真係奇葩！

專門食羊既餐廳叫左2碗羊肉粉羊肉餅😆同埋海帶 加 皮蛋超級惹味 如果鐘意食辣既朋友就更加岩食可以揀吾辣 或者超級辣🤣冷盤超入味不過啲餸都係用油浸 比較多油同重口味間吾鐘食下 就好

叫左兩個羊粉！湯粉可能俾個辣湯蓋咗少少羊味，但都依然好食！但係有對比下撈麵確係出色啲👍另外叫咗兩個小食！羊肉餡餅，熱辣辣好多餡！羊肉串就中規中矩！愛食羊既我，覺得都可以番食😀

貴州地道羊肉粉🐯羊肉麵 $52 🌟🌟🌟🌟朋友叫左小辣，加左小辣更香，羊肉不會太嚡口重羊味，手工麵比較煙靭，而湯底非常好飲。🐯羊腩粉 $55 🌟🌟🌟🌟🌟肥老虎每次去都會叫羊腩粉，羊腩帶皮但不會太肥膩，肉質淋身超重羊味呀！粉好像瀨粉，但比瀨粉粗少少，口感不錯。肥老虎超愛湯底，每次都飲多。🐯手抓羊排（細份）$88🌟🌟🌟🌟🌟鐘意啖啖肉就必吃這個啦！用湯烚熟的，肉質非常嫩滑，超重羊味，而且煮到肉骨分離，非常易咬，吃時再點下配來的醬醋油，就添加不同層次既口感。🐯羊肉蔥花卷 $45🌟🌟🌟🌟🌟羊肉甚多，配以蔥花手抓餅，這個配搭真係好好味。🐯跟餐配凍檸樂+$12🐯跟餐配凍檸水+$8每張枱上均放了一碗仔生蒜頭，貴州人好喜歡邊吃粉邊吃生蒜頭的，也放陳醋及其他調味料方便自行加。餐廳可使用微信點餐或人手點餐如果在繁忙時間去吃，出餐時會耐一點呀！⚫️⚪️⚫️⚪️⚫️⚪️詳情⚫️⚪️⚫️⚪️⚫️⚪️貴州遵義黔營羊肉粉 (興旺大廈) (元朗)元朗水車館街84-86號興旺大廈地舖⚫️⚪️⚫️⚪️⚫️⚪️⚫️⚪️⚫️⚪️⚫️⚪️⚫️⚪️#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #肥老虎吃貨 #相機