雲南啊老表黑山羊湯鍋米綫 (Moved) New Location

見到咁多好評，收工同男友去食，間店唔太易搵，行到成身汗。一坐低叫左碗大size嘅羊肉面同男友share，仲叫左小食口水雞同手拍青瓜 好快就有得食，聞落去已經勁香！！羊肉面好大碗好多塊羊，唔騷好好味！香到忍唔到口 連佢個湯都飲左幾啖口水雞辣辣地好開胃，呢個價錢黎講都算好多舊，有雞翼雞脾位，好滑好食～冷盤青瓜係必食啊！好大碟，個青瓜汁好特別，相信係特製嘅，啲醋酸酸地帶點酒味，好正啊 岩晒中意食冷盤嘅我，因為個瓜同面係唔辣嘅，中意少少辣嘅我將口水雞d汁，用黎點青瓜，又係好味！冬天一定一定要再去食啊