冬蔭牛牛

Open Now

Now Closed

平日嘅晚上餐廳得一兩枱，靜靜地，可以隨便坐。哩間餐廳可以帶狗狗架，今晚帶埋狗狗一齊食飯。羊腩煲 $98泰菜都賣埋羊腩煲，天氣凍凍地最啱食。湯底唔夠濃，好稀，味道好甜。腐乳一人一碟，一pat pat，未撈好咁款。冬菇又係好甜，兩個人好努力食都食唔曬，打包時仲有12粒小冬菇，即係總共有大概廿粒。腐竹都幾多，仲有幾粒馬蹄。重點嘅羊腩得五至六塊，舊舊都有骨，冇皮，另有七至八粒碎濕濕嘅羊肉，又鞋又瘦，zip 晒落牙la。最好食係d 生菜同芹菜。炸蝦餅 $68大大件，即叫即炸，好彈牙，不過冇乜蝦味。點個酸甜汁好醒胃。香葉肉碎炸蛋飯 $68份量大，夠兩個人share。香葉肉碎炒得好香，有鑊氣。辣辣地好醒神，少少汁送飯好正。敗筆在於飯太硬，結果食左五份一就決定打包，番屋企蒸軟d 飯再食。下次幫襯都係食番泰菜穩陣d。