Video
Read full review
2023-01-04
444 views
餐廳：King's & Queen's 冰室 (馬鞍山)地址：馬鞍山西沙公路533號泥涌村地下馬鞍山喺新發展地區，除咗以前去烏溪沙青年新村之外都好少過嚟呢頭，趁住假期專登入去烏溪沙樟木頭一帶行吓山同郊區🌴，有時喺城市生活得太耐的確需要去啲偏遠地方呼吸吓新鮮空氣🌬由烏溪沙站一直向東行，沿路都有唔少嘅村屋同私人屋苑🏘，餐廳就比較少，行咗一輪就搵到呢間開咗2年幾3年嘅King's & Queen's 冰室，都幾多人喺度食飯，佢哋午市以港式冰室形式主打快餐，而晚市就有各式中菜、小菜、海鮮，款式都有幾多選擇👍入到餐廳喺露天茶座，亦可以揀坐充滿色彩牆紙裝飾嘅室內空間，店主仲養咗兩隻活潑可愛又痴人嘅貓貓兄弟🐈，成為咗冰室嘅生招牌🥰✝️雙冬枝竹羊腩煲(細) $368開始入冬梗喺要食暖笠笠羊腩煲，有分細同大Size，原來細煲嘅份量都幾多🤣，3-4個人share都仲得，估算有成二三十舊羊腩，當中仲有唔少枝竹、冬菇、馬蹄等配菜，另外再送一碟生菜🥬。羊羶味適中，骨、肉、皮、筋嘅比例均勻，唔會偏重喺某一個部位，一邊滾住一邊食就可以保持熱辣辣🔥，當然唔少得蘸埋腐乳一齊食就更滋味✝️琉璃菜膽雞 (半隻) $118將芥蘭
地址：馬鞍山西沙公路533號泥涌村地下
馬鞍山喺新發展地區，除咗以前去烏溪沙青年新村之外都好少過嚟呢頭，趁住假期專登入去烏溪沙樟木頭一帶行吓山同郊區🌴，有時喺城市生活得太耐的確需要去啲偏遠地方呼吸吓新鮮空氣🌬
由烏溪沙站一直向東行，沿路都有唔少嘅村屋同私人屋苑🏘，餐廳就比較少，行咗一輪就搵到呢間開咗2年幾3年嘅King's & Queen's 冰室，都幾多人喺度食飯，佢哋午市以港式冰室形式主打快餐，而晚市就有各式中菜、小菜、海鮮，款式都有幾多選擇👍
入到餐廳喺露天茶座，
亦可以揀坐充滿色彩牆紙裝飾嘅室內空間，
店主仲養咗兩隻活潑可愛又痴人嘅貓貓兄弟🐈，成為咗冰室嘅生招牌🥰
✝️雙冬枝竹羊腩煲(細) $368
開始入冬梗喺要食暖笠笠羊腩煲，有分細同大Size，原來細煲嘅份量都幾多🤣，3-4個人share都仲得，估算有成二三十舊羊腩，當中仲有唔少枝竹、冬菇、馬蹄等配菜，另外再送一碟生菜🥬。
羊羶味適中，骨、肉、皮、筋嘅比例均勻，唔會偏重喺某一個部位，一邊滾住一邊食就可以保持熱辣辣🔥，當然唔少得蘸埋腐乳一齊食就更滋味
✝️琉璃菜膽雞 (半隻) $118
將芥蘭爽脆嘅中梗連菜葉菜膽，用雞湯煮熟後排放喺雞隻四周，打上茨汁形成一層薄薄嘅琉璃玻璃面，無論雞定芥蘭貌相都變得零舍吸引😍，
雞嘅份量唔少，肉質嫩滑唔嚡，雖然皮同骨有啲多，但唔代表肉少，唔錯唔錯😋
✝️啫啫通菜煲 $78
冬天食煲仔菜式喺最適合不過，未食已經聞到陣陣蝦膏獨特嘅香味🤤，
將通菜加入蝦乾、紅椒、蕃茄等材料爆香，有鑊氣得嚟相當惹味嚟緊冰室仲會推出一系列堂食/外賣新年盆菜Menu，過年想食盆菜又多一個選擇🤓
Post
