饑落亭 (Closed)

自從陳根記搬咗去大埔之後我都無再食過了，聽住大埔既朋友話初開時排晒大長龍，呢排見佢少Ｄ人排隊，一行四人就同朋友黎咗食喇。我地發現食晚市都幾抵，佢每食夠$350就可以用$1換凍蟹或者乳鴒。我地食咗$700就換咗每樣各一。凍蟹真係超大隻，都幾多肉喎。乳鴿都熱辣辣燒得好香，一Ｄ都唔hea。wasabi係必吃既，撈咗蟹籽同埋海浙係入面，好爽口好有口感。叫咗半隻原來都好大份，真係好抵食。羊腩煲真係無得彈，得一碗白飯送埋Ｄ汁，勁惹味真係暖笠笠。羊腩炆得腍身夠入味，仲有支竹一齊食簡直無得頂，因為呢個羊腩煲，朋友成晚食咗兩大碗飯啊！咕嚕炒蝦球都好正呀，酸酸味味夠鑊氣，蝦球都好爽口，唔錯唔錯。陳根記真係無得輸。