Video
Read full review
2022-01-22
332 views
呢間喺黃竹坑算中價餐廳. 食過幾次都算幾好. 非洲菜喺香港本來都唔多, 而呢度啲品質保持得唔錯. 19號去開南區, 喺香港仔交完貨, 咪約老婆去撐吓枱腳囉.叫咗一個焗雞腿, 一個燘牛肉. 依然一樣好味.美中不足嘅係飲品嗰 part. 問佢有冇手沖咖啡, 個女侍應先係話有. 轉頭又話咖啡師話好忙做唔到. 但當時由我問有冇手沖直到我轉叫另一杯飲品嗰10分鐘期間, 個咖啡師只係出咗2杯啡. 咁我覺得有問題. 首先, 如果舖頭決定午市唔做手沖咖啡, 大可以同全部同事講清楚. Serve 客嘅時候一早就可以喺客人問嗰時就答午市唔做. 其次, 你如果嫌手沖咖啡時間長唔做, 咁係咪應該喺其他做嘅飲品之上落足功夫做好佢先? 結果, 出到嚟杯凍南非國寶茶 latte 裏面竟然-有渣!? 大佬, 隔個渣唔使嘥你20秒啩? 失望! 後來聽老婆講返, 係當日當值嘅咖啡師先會有咁嘅情況. 換咗係另一位女咖啡師就冇事. 咁我諗管理層應該諗吓點做.喺黃竹坑仍然唔多選擇, 而社交隔離頻繁嘅今時今日, 希望呢間舖捱得過, 有進步. 我之後再去時會俾我有驚喜.
19號去開南區, 喺香港仔交完貨, 咪約老婆去撐吓枱腳囉.
叫咗一個焗雞腿, 一個燘牛肉. 依然一樣好味.
美中不足嘅係飲品嗰 part. 問佢有冇手沖咖啡, 個女侍應先係話有. 轉頭又話咖啡師話好忙做唔到. 但當時由我問有冇手沖直到我轉叫另一杯飲品嗰10分鐘期間, 個咖啡師只係出咗2杯啡. 咁我覺得有問題. 首先, 如果舖頭決定午市唔做手沖咖啡, 大可以同全部同事講清楚. Serve 客嘅時候一早就可以喺客人問嗰時就答午市唔做. 其次, 你如果嫌手沖咖啡時間長唔做, 咁係咪應該喺其他做嘅飲品之上落足功夫做好佢先? 結果, 出到嚟杯凍南非國寶茶 latte 裏面竟然-有渣!? 大佬, 隔個渣唔使嘥你20秒啩? 失望!
後來聽老婆講返, 係當日當值嘅咖啡師先會有咁嘅情況. 換咗係另一位女咖啡師就冇事. 咁我諗管理層應該諗吓點做.
喺黃竹坑仍然唔多選擇, 而社交隔離頻繁嘅今時今日, 希望呢間舖捱得過, 有進步. 我之後再去時會俾我有驚喜.
Post