越軒牛肉粉專門店 (Closed)

香葉辣肉燥炒飯，夠香辣，特別喜歡佢多香葉，食呢款炒飯，香葉先係主角嘛。聽到有客人嫌香葉太多，味道太搶。飯，好大碟，一個女生唔會食清光。最可惜係啲飯未完全炒到散晒一粒粒，仲有一舊舊白飯，而且食到有生米。呢兩個扣分位確係好甘，不過，酸辣鳳爪撈檬（個酸辣味調得啱啱好，惹味）、青檸薄荷冰（味道清新，凍飲唔使加錢），跟餐紅豆糕（甜度適中）都幫手追返啲分。至於香茅牛肉湯檬，上枱時自動變咗湯河（趕住返工，照食）。用杯仔另上配料，夠細心，材料豐富（喜見最愛的青檸）。牛肉係全熟牛，比較老，湯頭唔太重味精。撈檬好味過牛湯河。落單要自己劃紙仔，紙上的選項設計非常特別，幾個人初嚟報到，花咗唔少午餐時間研究一輪先落到單。會再嚟食晏的，希望見到改善喇。