養心殿台式養生鍋 (Closed)

養心殿想試好耐啦！ 馬鞍山呢間相對少人啲坐得舒服啲！一早book左，平日去唔洗等位，揀左美人鍋同麻辣鍋，美人鍋有成半隻雞，麻辣仲有我至愛既鴨血送，仲有千層凍豆腐，好食到要追加，麻辣小辣唔算辣好香，正呀！啲食材唔算平但係好多選擇好新鮮，牛肉豬肉都好多款，啲丸同水餃都係手打新鮮造，仲有得嗌半份，四個人食啱啱好！打到咁上下食埋隻雞，再嗌多個QQ粉配麻辣湯就perfect啦！最後仲有雪糕球送，有好多味揀，好滿足馬鞍山終於有高質邊爐，下次想試下酸菜白肉湯！